由麥美恩主持的電視節目《Mayanne小喇叭》，請來近期熱播《婚後事》男女主角羅子溢、陳自瑤及劇中演員賴慰玲及黎諾懿擔任嘉賓，大談劇中拍攝趣事，更討論婚姻相關話題，當中羅子溢與陳自瑤的對話，引起網民熱烈討論，其中談及離婚對孩子的影響時，陳自瑤突發回應羅子溢對婚姻的幸福宣言，網民即指：「Yoyo有啲嘢咁啵」
陳自瑤大談離婚對孩子的影響 酸爆回應羅子溢
當集令網民最「食花生」的莫過於嘉賓們討論離婚對孩子造成影響一節，陳自瑤表示即使父母離婚，最終都要與小朋友一同面對，更指父母要給予孩子足夠的愛：「有啲嘢係冇辦法，唯有大家拖住手向前行，或者喺側邊輔導佢，話俾佢聽發生咩事都好，爸爸媽媽最愛嘅都係你，呢句說話好簡單，但佢內心其實都係好傷痛，要繼續俾足夠嘅愛佢，呢樣好緊要。」
話到這裡，羅子溢回應：「呢個問題好值得思考，如其諗辦法去解決，不如一開始就唔好錯，結得婚就要對婚姻有承諾，做得爸爸媽媽就要盡父母責任。」豈料陳自瑤即回應：「唔係個個好似你咁㗎嘛！」陳自瑤此回應引起大眾猜測，懷疑此話有弦外之音，網民回應 : 「yo係咪咁樣同signal（黃浩信）講嘢」、「Yoyo有啲嘢咁啵」
羅子溢搞笑回應出軌質問: 使唔使開埋個腦俾你睇
除了以上爆位，節目中更就着《婚後事》大談精神出軌及肉體出軌的看法，更抽取劇中經典一幕延伸討論， 劇中陳自瑤問羅子溢：「你同我上床嘅時候有冇諗起佢」。羅子溢立即引用網民回應：「使唔使開埋個腦俾你睇阿」，隨即全場爆笑。
另外，羅子溢亦有向兩位女嘉賓作出挑戰：「我問你，男仔見到靚女，望一望諗吓，女人望到靚仔會唔會又諗吓？」面對羅子溢擊進的發問，陳自瑤與賴慰玲齊齊還擊，陳自瑤回應：「咪住先！但你冇返屋企真係同個女人有啲嘢喎！」賴慰玲再補多句：「同埋你話勒住咗，咩情況會勒住咗？即係你懸崖勒馬囉，即係去到嗰步你先話我有推開佢，咁點解要去到嗰步？」羅子溢見形勢不對，隨即轉軚：「我認同你！我睇邊個勢好就去邊一邊！」
圖片 : 《Mayanne小喇叭》節目照片
撰文 : 謝明蕙
責任編輯：侯聖樺
