TVB熱播劇集《婚後事》自播出以來大受歡迎，今天（15日）劇中其中3位主角，黎諾懿、王敏奕及羅天宇現身新城廣播有限公司，為新城知訊台節目《開心大派對》做嘉賓，節目由薛家燕、范振鋒及黃思敏擔任主持。
黎諾懿冇預計過反應極佳
三人接受新城八大家訪問時，表示《婚後事》能有這麼好的成績和反應令台前幕後受到非常大的鼓舞，黎諾懿說：「我哋自己咁多位演員當時都好享受劇本，冇預計到啲咩，因為我哋題材本身都預計大人睇。依家有咁嘅成績，對我哋嚟講係獎勵。」
王敏奕被封「最美小三」
王敏奕在劇中有亮眼的表現，被網民封為「最美小三」，她笑言也是一種對自己的讚賞：「最開心真係大家都投入到故事入面，跟住所有個角色一齊笑一齊喊，係最開心嘅事。」
劇中王敏奕周旋在羅子溢和羅天宇之間，親熱戲也十分之多，尤其跟羅子溢，談到會否怕老公曾國祥介意，她笑言：「冇呀，我諗呢樣嘢都係我哋專業嚟，得到呢個讚賞係最重要嘅嘢，我諗佢會替我開心。」
羅天宇搶鏡演出 黎諾懿睇完唔開心
另外昨天（14日）播出的一集中羅天宇有突破性演出，他在沙灘披滿成身廁紙、手執外賣袋加魚蛋，開心地瘋狂轉圈兼傻笑。這一幕羅天宇認拍得非常尷尬，因為要脫衣服展示他的身形，不過在電視播出的畫面中，重要位置竟然有一隻馬騮Emoji遮掩著，令黎諾懿觀看完大呼不開心：「因為唔知點解打住隻馬騮仔，因為天宇身形係唔需要打馬騮仔，所以我哋依家極力爭取點將冇馬騮仔版本原裝畀大家睇。」
羅天宇想清場豈料造成反效果
另外拍攝這一幕羅天宇吸引了大批台前幕後一起觀看，原本羅天宇是希望趕走這些特意來的台前幕後，最終造成反效果令更多人觀看他這爆笑一幕，「越趕越多人，都真係需要心理準備拍呢場戲，所以我哋都好一條心做好呢件事，唔介意突破自己框框」。
收視高企 望能拍電影版
劇集收視高企，三人望將劇集變成電影版或者綜藝節目探討夫妻的相處之道也是一件好事，黎諾懿直言：「公司能夠開電影版都係好事，或者好似韓國咁，好多時一啲劇集衍生綜藝。」
評分高過內地人氣熱播劇集《繁花》
《婚後事》在內地播放後，評價十分高，比另一套人氣劇集《繁花》還要高，王敏奕坦言：「其實真係唔覺得勁過，咁自己真係覺得，分數高梗係開心，但唔係一個比較，對我哋嚟講見到大家投入到已經係最好，所以唔會做任何比較。」
最後談到到羅天宇劇中的角色玩交友app，疑誤用前亞視主播曾子晴做頭像，導致對方在社交網站出Po強調從來沒有玩交友app，天宇回應此事說：「係一個好大嘅誤會，所有嘢都跟足程序。」
