由麥美恩（Mayanne）擔任主持，曾展望（GM）擔任助理主持的TVB清談節目《Mayanne小喇叭》，最新播出一集便請到周家怡、湯盈盈擔任嘉賓，齊齊大談女人經。講到周家怡和湯盈盈演藝生涯中，曾犧牲過靚樣，扮演丑角，但亦成她們代表作之一，分別是周家怡在《火舞黃沙》飾演兔唇女小琴，和湯盈盈在《阿旺新傳》飾演李笑好。
湯盈盈後悔《阿旺新傳》扮丑角演出
湯盈盈憶起這個角色強調相當難忘：「呢個角色好深刻，記得嗰陣時監製黃偉聲同我講要做呢個角色，我有好多Idea，我話唔洗頭、堂眉唔抆、到時再畀個假牙我。真係試造型時，嘩，真係好醜樣，好後悔呀。」周家怡則自爆戴牙套扮兔唇搞到牙都崩，並透露為了代入角色長期戴住牙套：「我連出街都戴住，我試過去便利店買嘢畀人影到！」
麥美恩透露阿媽催婚 湯盈盈提議雪卵
講到感情方面，37歲的麥美恩透露被阿媽瘋狂催婚，講到生兒育女問題，事業正值上升麥美恩坦言現在未知是否最好Timing，盈盈提議她可以雪卵，麥美恩指除了身體上要配合，亦要具備一定財力，皆因雪一次卵要差不多8至10萬元不等，她大嘆：「事業上要好成功，先有能力去養呢啲卵子！」
