J2台主持文頌男(Koba)去年10月確診患上罕見癌症「尤文氏肉瘤」(Ewing’s Sarcoma),之後全面停工及積極接受治療,惟Koba病情反覆,劇痛令他要跪住坐,而Koba日前公開籌募醫藥費,盼能減少痛楚。昨日(6日)Koba在一名男友人陪同下,現身新城廣播接受《QK玉瑛室》訪問,分享最近病況。
《QK玉瑛室》節目主持譚玉瑛、何基佑及麥皓兒訪問,戴上鴨舌帽及口罩的Koba撐住拐扙現身,他全程表現樂觀及笑容滿臉,以笑迎戰癌魔,堅強戰鬥力令人敬佩。

Koba在節目中表示當時得知自己患癌時沒有甚麼特別感覺,反而十分冷靜,「因為未反應得切,返到屋企沉殿咗幾日,先愈嚟愈擔心同焦慮,又要諗點樣同公司、家人、朋友點樣交待。」
現年28歲的Koba於單親家庭成長。他透露自己12歲時父親有外遇離家,童年反叛又渾渾噩噩,後來才醒覺不能再無所事事,回到校園,完成大學學位。然而不幸地,Koba加盟無綫J2台擔任主持一年便得出確診惡性腫瘤的惡耗,但他堅持到行動不便才停工。

Koba說:「因為我真係好鍾意返工,唔想浪費每一次出鏡。」
面對龐大醫療費和生活支出,Koba日前在IG公開籌募醫藥費,「剩係覆診做電療可能只係幾十或幾百元,最貴係照X光,因為公立醫院要等半年先有報告,去私家照要萬幾至二萬,仲要局部照,呢個係最大負擔,依家短期內要幾十萬先夠我維持幾個月嘅醫療費用。」譚玉瑛亦作出呼籲:「希望大家聽到之後,可以畀頌男多啲支持,令佢可以繼續做自己鍾意做嘅嘢。」
