新城知訊台《詩歌有Guide》最新一集（5月5日）請來彭鏡光 （KK） 擔任嘉賓，大談職涯之路及人生信念。KK多才多藝，被主持人漢陽形容為「周身刀張張利」，既是演員又是歌手，同時也是一位生意人。他的生活之所以多姿多彩，原來是為了幫自己「儲花牌」？
演藝學院結識一班死黨 受May姐邀請加入TVB
KK未出道前已擔任青少年大使，憑大使身份開始在TVB發展：「當時感受到80年代TVB最輝煌的時候，感受到木人巷精神。」正於香港演藝學院讀書的KK，未畢業便已獲當時TVB高層「May姐」邀請正式加入電視台，不過KK則選擇繼續讀書，更在香港演藝學院認識了當時的同期兄弟與戰友，如謝君豪、陳國邦、呂頌賢等。
除了結交了一班死黨，他更認識了人生其中一位重要的貴人 — 洪羅拔（Robert Hung）：「佢（Robert Hung）覺得朋友冇分高低，朋友就係朋友。」「當時佢（Robert Hung）叫我去當紅藝人屋企時，我覺得唔好意思，因為覺得同佢哋差太遠。但去完之後發覺，原來佢哋好簡單，好多時都係自己妄自菲薄。」KK更補充：「當你有信仰時，喺神嘅眼裡，每個人都一樣，所以我就放開咗，無論對方係點嘅人，我都覺得係一個有緣份嘅生命，變得更加珍惜每次見面。」
「在生數鈔票，走時數花牌」
Robert Hung已離世6年，但對KK的啟發仍然影響至今，更稱直到現在仍非常想念他。KK指人漸長，出席帛事比喜事多，望着喪禮上的花牌悟出一個道理 —「在生數鈔票，走時數花牌」：「幾多花牌留畀你，就係你人生做咗幾多嘢。」他稱尤其自己是一個有信仰的人，認為上天賦予人類生命，便要盡情活着，要對上天「交差」，所以KK人生馬不停蹄，不斷擴展個人領域，演員、歌手、電台主持的能力樣樣兼精，現在更發展個人業務，在台灣開拓葡撻市場：「而家市道唔好，更加要自己做好，貴人係要自己搵出嚟！」
從羅文身上獲得三大啟示
提到貴人，KK不忘提及他仰慕的天王巨星 — 羅文，更指羅文是位不恥下問的前輩：「佢喺台灣每次做完騷，都會問我表現成點，問我『我頭先嗰下（動作）得唔得？啱啱嗰下撥扇靚唔靚？』」他稱羅文能夠做到生命影響生命，讓他不只學會善待別人、珍惜機會，更學懂感恩。
詩歌有Guide
新城知訊台
逢星期日晚9:00至10:00
主持 : 漢陽
撰文 : 謝明蕙
責任編輯：侯聖樺
