Lolly Talk成員鄭芷淇（Elka）今天（25日）到新城廣播宣傳新歌《block了》，她透露這首作品記錄了她一段自我封鎖內心、最終迎來成長的真實經歷。歌曲圍繞情緒壓抑與自我療癒，她坦言：「呢首歌主要係想講自己封鎖咗自己內心嘅一個故事，主題亦都係圍繞住一啲情緒嘅封鎖，以及一個自我成長。」
被問到自身情緒是否也像歌曲主題般起伏不定？Elka笑言自己確實是個頗為情緒化的人：「其實我自己係一個幾Emo嘅人。」她解釋自從搬出來獨居後，夜晚時分特別容易感到寂寞，更分享了一個有趣的「閉目」習慣：「依家因為自己搬咗出嚟，夜晚就會好寂寞，自己瞓喺床上，擘大眼瞓唔著，然後就會開始閉目，但係起身就會冇事。」她形容這種情緒波動並非大上大落，只是偶爾的感性時刻。
談及獨居生活，Elka表示曾想過養寵物陪伴自己，尤其是貓咪：「我好想養貓貓，因為自己成日去玩朋友嘅貓貓，見到佢哋嘅時候，我就覺得自己都好想養一隻。」不過，她強調必須等待合適時機，做一個負責任的主人，她擔心目前工作繁忙，經常需要外出，無法長時間留在家中，怕寵物會感到沉悶。
問她為何決定獨居？Elka直言是想測試自己的獨立能力。她認為現在的自己比起18歲時已經獨立得多，但也坦承存在一點懶惰：「家務都可能唔係經常做，但我會做嘅。」她更自爆一個「經典」壞習慣，就是不常煮食，但每次煮完後，碗碟可能會堆積兩三天才清洗。她笑說：「過咗兩日之後嘅夜晚，我就覺得唔得喇，我要洗喇，或者係吸塵。」期間有人建議她購買洗碗機，她笑言要「賺多點錢」才能實現。
圖片：新城廣播
