樂隊廿四味成員陳偉雄（阿肥）、Eddie Cheung及Brandon Ho今天（29日）到新城廣播接受訪問，為將於6月26日舉行的成軍20周年演唱會《Battle for the Mind》造勢，成員們搞笑叫歌迷「著多幾條褲」到場。
Brandon、阿肥及Eddie接受「新城八大家」訪問，透露演唱會正在密鑼緊鼓籌備當中，對於今次演唱會與過往有何不同？阿肥表示：「最大嘅不同就係20年嚟我哋第一次自己開演唱會，我哋從來都冇開過。」他補充道：「咁多年嚟都冇開過，係咪好奇怪？20年後，演唱會就參與咗好多個，但自己冇自己嘅演唱會，真係搞笑。」
阿肥又笑言：「好多嘢都已經準備好，所以就操好個身體，將條命交出來，到時同大家開party。」他又搞笑地呼籲歌迷：「所以大家要來，著多幾條褲。」Eddie隨即回應：「我會著多幾條，到時同大家玩，希望大家有一個愉快嘅晚上。」
除了演唱會，廿四味亦推出了新歌，「新歌叫《Night Drive》，講夜晚駕車嘅感覺，呢首歌有啲煙霧，有啲情緒，好Chill、好好feel嘅，希望你們聽咗會鍾意。」Eddie補充：「《Night Drive》會有新MV推出，大家都好期待。」
至於可有其他樂隊一起上台？阿肥表示：「會呀！嘉賓亦都邀請咗。我哋請咗Rubberband阿正幫我們彈結他。」阿肥興奮表示：「Band好實淨，畫面又好實淨，人亦都操得好fit，到時同大家party就一流。」
圖片：新城廣播
