歌手陳蕾首踏紅館，舉行了一連四場陳蕾演唱會2024《念》，全場爆滿，每唱一首歌也有不少樂迷尖叫歡呼，氣氛高漲。昨晚（5日）是演唱會的尾場，陳蕾在台上逐一感謝演唱會幫忙過的台前幕後足足說了接近40分鐘，最後感謝現場聽眾時，更忍唔住流淚…
陳蕾演唱會請《全民造星V》Nathan惹爭議
陳蕾首個演唱會圓滿結束，唔少觀眾大讚整個流程安排得超順暢，現場不乏觀眾大叫「陳蕾世一」的聲音。在演唱會中，陳蕾演唱《伸縮自如的愛》時，找到了MV有份演出的《全民造星V》紅組學員Kim（卓金樂）、Tiger Foo（符紀男）、Nathan（魏念恩）及亨仔（陳鎮亨）伴奏，竟引來不少爭議。原因是Nathan在《全民造星V》的決賽前，被已輕生的前女友Jessie家人爆料指Nathan在分手後還不斷問女方借錢，又要對方刪合照等令形象大大下跌，最後仲因此決定退賽。
Nathan神隱8個月 陳蕾14字回應：知道佢係一個點樣嘅男仔就得喇
神隱8個月的Nathan於陳蕾演唱會現身做嘉賓引起網民不滿。演唱會完結後陳蕾對此事作出回應，坦言引起爭議這事避免不了：「我自己確實認識佢嘅人，知道佢係一個點樣嘅男仔就得喇，我自己依然係好愛錫我所有嘅學員。節目係一時，但係我好相信緣份，喺呢個時期大家都有自己嘅難關，而佢哋能夠認識到咁好能量嘅蕾老師，我都希望可以分更多嘅愛或者陪伴關懷，話俾佢哋知老師喺度。」
陳蕾強調在意身邊人感受：我會用一個好大力嘅方式去表達祝福
陳蕾亦說早已預料過會有批評的聲音，但認為自己是在意身邊人的感受多於外界的聲音：「我希望我可以身體力行去話畀真係真實存在喺我身邊，我好重要嘅家人、同事、好朋友聽，我係一個咁樣嘅人，我會兌現我嘅承諾，希望身體力行話畀你哋知，如果我當你係朋友，我會用一個好大力嘅方式去表達祝福、關懷、支持同擁抱。」
陳蕾台上講足近40分鐘感言被罰錢
另外陳蕾在台上講了足足近40分鐘的感受，被嘲笑成第一個講嘢講到被罰錢的歌手，陳蕾回想起也笑言綵排是沒有這部份的：「呢啲唔係必然，佢哋可以得過且過好多嘢，但係我見到呢個製作百分之二百嘅用心，好想藉住呢個位多謝同仔細介紹每一位。我諗住我成場都冇講過嘢啦，畀我講吓嘢啦！」
