結婚是喜事，不少新人都會落足功夫找婚攝，希望有一輯「完美婚照」，留下美好回憶。但日前一女網友在Threads發帖，怒轟一間本地攝影公司在其婚禮前一日，突然致電表示撞期，更以「另一對新人難搞」為由要取消原定拍攝，就連賠償金額方面討價還價，令新人大失預算，引起一眾網友熱議兼力撐事主，更有不少苦主現身爆料。
正日看到公司發帖 新人鬧爆「二次傷害」
婚禮正日，女事主看到該攝影公司發帖指為另一對新人拍攝「順利完成」，女事主形容是「二次傷害」，「你就順利完成，我就big day前一日食唔安坐唔落」。
其後，女事主要求全額約1.8萬港元賠償，但攝影公司卻討價還價，只肯賠償一半，女事主轟公司失職失德：「我哋無奈接受，但唔等於認同你既失職失德」。更甚的是，該婚攝公司還提出免費替她拍攝家庭照，但女事主卻指，「仲好意思叫我搵你影家庭照？」
網友一面倒鬧爆：無恥到極
帖文引起熱議，不到一日已有過百人留言討論，大多網友力撐事主，指責該攝影公司做法「無恥到極」、「毫無責任心」，明明自己是理虧的一方，卻討價還價僅賠償訂單一半金額，事後發文晒另一對新人的照片，一點悔意也沒有，「仲咁理直氣壯夠膽淨係賠一半真係幫佢出名啦」、「做臭個行業，開名開得好」。
婚攝公司發道歉聲明 網友不賣帳
涉事攝影公司隨後在其社交平台發出道歉聲明，指察覺訂單上出現衝突後，已立即致電向受影響客人致歉，並退回訂金以及額外賠償訂單一半的金額，同時表示自己已深刻反省此次失職，承諾將加強內部管理，確保類似問題不再發生。但其帖文止不住網民怒火，網民留言：「應該全數賠償啦，咁不負責任」、「真係有悔意就唔會事後若無其事出個story話順利完成」、「比人揚咗咪深感愧疚」。
其他苦主現身訴慘痛經歷：「凌晨4點半先話嚟唔到！」
事件繼續發酵，引來其他苦主現身：「我big day最後悔就係搵咗佢影……啲相全部歪歪斜斜，低炒又有91面」、「好驚訝原來仲有咁多受害人。朋友前年都俾佢No Show，大家都超級崩潰」、「諗起我上年嘅慘痛經歷，我連搵第二個攝影師嘅時間都無，約咗7點半要到酒店，凌晨4點半先話嚟唔到……事後完全無follow up，亦都無任何道歉，唔會主動搵返客人，仲諗住收尾數同補影家庭照當賠償，唔想再被傷害，極度唔建議搵！」
