薛家燕獲提早賀生日 願望最想兩個女早日搵到如意郎君

薛家燕獲提早賀生日 願望最想兩個女早日搵到如意郎君

「新城之寶」、新城廣播節目主持台柱薛家燕今天(26日)回到公司為節目做準備,一眾同事為她準備了驚喜慶祝74歲的生日。家燕姐現場收到了不少同事送贈給她的生日禮物,顯得相當高興,「好多謝Steven(馬浚偉)佢特別安排,知道我今日返嚟做訪問,安排同我搞生日會。最難得同事設計嘅嘢,佢哋每個同事都寫咗啲嘢整咗一張卡畀我。另外仲整咗4張人像啤牌卡畀我,每張卡都有個J字同埋印咗我3個仔女,包括大女石祐珊(Justina)、石耀庭(Jackson)同細女石耀珠(Jamie)。」

圖片:新城

薛家燕強調王梓軒與大女只屬於好拍擋關係

至於最後一張牌又是J字,但就沒有樣貌,令人猜測到底是誰。家燕姐笑言不少人猜測是王梓軒,因為他英文名叫做Jonathan,加上王梓軒多年來與大女石祐珊傳緋聞,令人聯想到最後一個J字人像牌便是王梓軒,家燕姐說:「我話唔係啦,Jonathan係珊珊好拍擋,其實最後一個J應該係我個孫Julian。」

圖片:新城

家燕姐生日望女兒快搵到如意郎君

談到家燕姐的生日願望,她希望香港經濟復甦,還希望有要身體健康,不過最希望的願望是兩個女兒能夠找到如意郎君,家燕姐直言:「暫時都未有消息話畀我聽,我都講咗幾次,好似畀佢哋有啲壓力咁。依家嘅女性唔係好似我哋當時咁20多歲就要結婚,佢哋最緊要開心啦、工作愉快啦,遇到適合等咁先拍拖,所以我都唔會話去強求,廢事畀佢哋有壓力啦。」

圖片:新城

家燕姐自爆有好多個男朋友 唔知問邊個一齊去韓國好

330日才是家燕姐的正日生日,家燕姐預告生日會與一家人到韓國遊玩。早前家燕姐自爆有男朋友,提到男朋友會否陪同與家人一起去,她說:「唔知,因為我咁多男朋友,我點知邊個會去,我都唔好意思問。」

圖片:新城

家燕姐續說現時自己談戀愛的愛情觀是怎樣:「其實我呢個年紀就係最緊有個人傾下心事、多啲關心、甜甜蜜蜜我已經好開心。有一個好朋友啦,(會唔會想結婚?)唔會結婚,而家我呢個年紀唔興結婚。」

圖片:新城