陳柏宇（Jason）全新單曲〈尚有愛的資格〉正式面世，今次最大surprise莫過於邀得戰友側田作曲！原來兩個男人的緣分，早在九年前已經醞釀。
時光倒流2017年，蘇永康、陳柏宇與側田在新城台慶音樂會碰頭，三人互唱對方歌曲，綵排時的Man Talk 已經火花四濺。當年41歲的側田笑指，他們三個代表不同階段的男人，更自爆開始有老花，笑言「到40歲就嚟料」；其時還未榮升爸爸的Jason則被蘇永康催「生仔要趁年輕」。
前輩蘇永康透露，其發燒碟本想翻唱側田的《男人KTV》，但監製雷頌德直言「無法超越原唱者」而棄選，正好趁新城台慶音樂會的機會，終於可以在原唱面前挑戰。Jason就話可以跟兩位唱家班合作，勁興奮。就是這段十年前的Battle，促成今日陳柏宇與側田的合作。
鼓起勇氣WhatsApp邀歌 陳柏宇圓夢成功
Jason坦言一直視側田為偶像，但以前一直覺得「未有呢個資格去搵人寫歌」，直至去年終於鼓起勇氣主動出擊：「有一日喺WhatsApp send咗個message畀側田『可唔可以作首歌畀我呀？』，成件事就係咁簡單。」認真夠晒直接！Jason提到自己向來十分喜愛側田的旋律，最近聽得最多的是側田去年推出的〈OldBoy〉：「我覺得呢首歌好有味道，聽得出佢當時諗緊啲乜嘢。」對於今次側田為自己度身訂造的旋律，Jason大讚：「雕花有雕花嘅好，但呢首歌雖然簡單，要演繹得好卻一啲都唔容易，喺入面你會感受到佢嘅真摯。」
呼應〈沒有吻的資格〉 Oscar：好合乎Jason人設
今次填詞方面，找來曾合作〈不愛無壞〉的Oscar執筆。Oscar透露當初收到要呼應〈沒有吻的資格〉的要求後，便聯想到Jason在日常生活中對家人和身邊人都充滿著「愛」，於是決定以當年那個認為自己沒有愛人資格的男孩，在經歷各種事情後成長的故事作為歌詞主軸：「因為睇到Jason嘅IG對屋企人同身邊人都好loving，所以我諗呢首歌都好合乎佢嘅人設。」
吳肇軒首執導筒 良少獲平反演技
導演吳肇軒透露MV靈感來自一個關於拾取果實的故事：「歌入面好重要嘅一點，係每個人都有愛同被愛嘅資格，MV講述男主角好自卑，如果走入森林只能夠揀一朵花，會發生咩事呢。」良少飾演的角色獨自走入叢林，最後遇到一朵象徵「純潔且恆久不變」的白色桔梗花，畫面極為浪漫。吳肇軒希望藉此帶出人即使身處痛苦之中，依然能繼續活著，等候那個愛自己的人出現。
〈尚有愛的資格〉已於各大串流平台上架，MV亦已上傳至YouTube Channel，大家聽咗未？
圖片：新城廣播、Sony Music
