馬來西亞歌手劉俊毅今天（23日）到新城廣播宣傳新歌《給你寫一封信》，他透露這首新歌背後承載着他對已故婆婆的深切思念，還有未能言說的遺憾；而錄製這首歌當日，他更忍不住淚灑錄音室，嚇壞其經理人。
劉俊毅透露《給你寫一封信》原本是一首情歌，但他在聽Demo的時候，被某些歌詞深深觸動，隨即將這首歌轉送給婆婆，「我錄音時係爆喊，當我聽咗呢首歌嘅副歌時，我爆喊咗半個鐘，我經理人問我做乜喊，我話我好感動。」
這首歌是劉俊毅寫給婆婆的一封信，歌詞很簡單，只是希望讓婆婆知道他現在活得很好，妹妹和父母也都安好。「因為已經冇可能同佢講嘢，我就諗寫一封信，可能佢會知道。」他形容這是一種深深的遺憾：「當我開始獨立可以去生活嘅時候，做我鍾意做嘅事，生活已經冇以前咁辛苦，但我婆婆已經唔喺我身邊，我依然有好多嘢想同佢講。」
另外，劉俊毅將於今年9月25至27日在馬來西亞舉辦個人音樂會，他特別提到這次演出不只是一場單純的唱歌表演，而是希望藉由一位編劇兼導演朋友，從第三方角度將真正的自己呈現給觀眾。「有啲認識咗我好耐嘅朋友，佢哋只係識我，其實好多嘢佢哋係唔知道嘅，我就好想將真正嘅自己帶出嚟，再加上我嘅音樂、我嘅聲音。」
而劉俊毅的「同鄉」張與辰進軍香港樂壇發展相當順利，他表示知道對方在港很受歡迎，但私下並不認識對方，「我都希望可以好似佢咁，將來有更多機會嚟香港發展，令更多人認識我。」
圖片：新城廣播
