粵劇名伶蓋鳴暉將於6月11日及12日，與李居明大師合作演出經典劇目《蝶海情僧》，她今天（29日）到新城廣播接受訪問時，除了分享劇中的教育意義與正能量，更大膽構思將來有朝一日能與機械人同台演戲，甚至一起跳拉丁舞。
談及《蝶海情僧》，蓋鳴暉表示這部戲蘊含深厚感情與教育意義。故事講述一位太子經歷戰火洗禮，一夜之間失去所有名譽、地位與王朝，被迫出家保命。她寄語：「希望大家唔好太執著，要放下每一樣嘢，只要你仲在生一日，一定有機會再重振你嘅聲威，所以千祈唔好放棄自己。」
蓋鳴暉透露近日與友人前往大灣區遊覽及品嚐美食，令她感受到祖國的發展一日千里， 她更直言：「真係好震撼，我哋祖國原來咁蓬勃、咁先進，好多智能科技同高樓大廈，已經唔同以前嘅中國，我覺得好多嘢要學習。」
談到如何將智能科技融入粵劇？蓋鳴暉表現得相當興奮，她說：「如果智能嘅功能，可以有機會擺喺我哋粵劇舞台上，真係一流，呢個係我哋未來嘅構思。」她更提出：「或者請機械人做龍虎武師都唔錯，因為佢哋嘅武術，打觔斗一定唔會受傷，不過呢啲係後話，我哋係幾創新嘅，如果能夠搞到呢個元素都係一個賣點。」
被問到是否想過與機械人一起演戲？她坦言：「我真係好想同機械人跳拉丁舞，因為我曾經學過拉丁舞。但就未同過機械人跳舞同做戲，我唔敢太大膽，只係一個將來嘅構思，或者得都唔定，將唔可能嘅事變成可能。」
圖片：新城廣播
