所謂「書中自有黃金屋」，不少市民都會在公共圖書館借書。一名港媽在社交網分享，12年前遲還書，一直未有繳交相關罰款，近日在公共圖書館借不到書才發現自己未還錢，笑言「今次真係贏咗99%香港人」，大批網民湧入留言。
圖書館無主動追款
港媽在Threads發帖，指「公共圖書館逾期圖書12年先還錢。今次真係贏咗99%香港人」，並上載還款單據，拖欠12年的罰款額僅99元，她解釋自己當年有還書，「點解係$99， 唔係$130？係因為當年見到有本書喺屋企無還，就求其放落去圖書館還書箱。12年後借唔到書先還錢」，呼籲大家「唔好學」，還稱會以身作則，「唔可以俾個女學呀媽啲衰嘢囉」。
引來大批網民留言
大批網民湧入留言，分享在公共圖書館借還書經歷，有人表示：「我試過差圖書館幾蚊 佢去小額錢債告我」、「律師經過，一般民事起訴的時限為6年，如果真係超過了12年， 圖書館就算去法庭告你，法官都係會話訴訟已失效（time barred)」、「試過中五借咗，去到出嚟做嘢十幾年先番圖書館報失，代價係 $4XX，仲記得本書叫《廢郵存底》」「我係果1% ，上兩個月終於還咗，22 年 …… 無記錯封頂價係 $130，再加本書嘅錢，最終用 $200 開啟返我張圖書證，多謝圖書館大人不記小人過。」
根據香港公共圖書館網站，逾期歸還圖書館資料，每項成人圖書館資料／資料附件每天1.5元，最高罰款額130元。
圖片：Threads、康文署
撰文：周僖婷
