支譽儀感激韋綺珊助開竅 乜都Gotta Try 媽咪：「為你驕傲」

支譽儀（Venus）日前在新城廣播，接受由程凱欣和麥卓華主持的《原來生活好快樂》訪問，談及入行前，Venus是一名創業家，在香港開設烘焙店，她的服務宗旨是零失手整蛋糕，所以吸引不少顧客，現時除了馬來西亞和菲律賓設有分店外，她更表示希望生意的版圖，在今年可以伸延至加拿大。

至於歌唱事業方面，原來Venus是在好友王灝兒（JW）鼓勵下才參加《中年好聲音》，她說：「有次同佢食飯，我話《聲夢傳奇》真係傳奇，佢突然攞個手機畀我睇，入面有張《中年好聲音》海報，我話會唔會係嗰啲師奶大變身嘅搞笑節目？佢叫我自己報名，我就由零開始，一步一步入咗去。」

雖然最後Venus得不到名次，但在參賽的8個月裡，Venus找到屬於自己的聲線她說：「我以前唔知點發聲，但韋綺珊老師教我之後，咩類型歌我都試過。」她又指新歌《Gotta Try》是其座右銘，覺得作為媽媽和事業型女性，自己的人生應該要由自己主導。

至於家人怎樣支持自己？Venus一臉溫馨地說：「我老公好低調，成日唔想上鏡，但佢私下畀好多意見我，例如呢首歌唱直播要點樣唱，作為聽眾，佢會覺得你咁唱會喘氣；我媽咪見到有啲報道會話『為你驕傲』，佢覺得呢個圈好浮沉，會提醒我當冇咗價值嘅時候，就將原有嘅能量去番自己事業。