羅啟豪（Ramon）早前推出的首支單曲《相信 相信》，取得很好的成績，當中曾打入「新城勁爆流行榜 – 本地榜」的第三位，Ramon坦言感到非常開心，會繼續努力宣傳，在不同地點搞busking，希望吸納更多人認識自己。
他指歌曲《相信 相信》帶出正面、勵志的訊息，只要相信人生走過的每一步，就算看似毫無關係，但原來是慢慢帶著自己向夢想走近，於是Ramon做了一連串的街頭訪問，了解大眾的職業跟以前修讀的科目是否相符，他說：「我想帶出嘅訊息係，以前你讀咩科目都好，同你而家嘅工作完全係兩回事，其實係唔緊要，始終係人生必經嘅一步，只要慢慢發掘自己嘅潛能、喜好，同你讀咩科目都唔重要。」
Ramon本身個性較為害羞，做街訪時會否遇到困難？他笑說：「嗰日做街訪係落緊雨，有啲狼狽，同埋本來我諗住淨係講廣東話，但最後又要講埋國語同英文，好彩我都ok啦！（有冇食檸檬被人拒絕？）可能我畀人感覺係好禮貌，啲人唔會拒絕，所以成個過程都好順利。」
此外，對於好友李佳的左手因腱鞘囊腫需接受手術，Ramon說：「佢做完手術，我都有慰問佢，前排《中年好聲音》同《中年好聲音2》聚埋一齊打邊爐，嗰晚我先知道，原來隻手有啲嘢要割，冇大礙。」
