無綫藝人伍富橋在2022年5月8日迎娶拍拖半年的富家女梁兆楹（Shirley），昨日兩口子食飯慶祝結婚2周年（棉婚），席間，伍富橋向Shirley送上禮物，竟反遭對方不斷質問，錢從哪裡來，搞到伍富橋十分無癮。
伍富橋在社交平台連環出限時動態，原來他於食飯期間，向Shirley送上驚喜，他說：「老婆，上次你咪話好想我話你聽驚喜係咩！」Shirley邊吃邊點點頭問道：「驚喜係咩？」伍富橋突然遞上一個閃閃發亮的盒子，Shirley接過後隨即急忙打開，她驚喜問道：「點解嘅？邊個買畀你㗎？邊個畀錢你買㗎？」伍富橋回她是自己出錢買的，不過Shirley似乎不太相信，並反問：「你自己攞錢出嚟買？點解你有咁多錢嘅？」伍富橋指自己每個月都有儲錢，但Shirley繼續不停追問：「點解你有咁多錢？真定假？水晶嚟㗎？點解你有咁多錢？點解你有咁多錢我唔知？」
Shirley戴上這枚鑽石戒指，「靚呀！你講大話呃我，我唔會沉溺喺呢啲物質上面，我要了解件事嘅根本，就係你係一個好多秘密嘅人，我要密切咁去觀察。」
事後，伍富橋再出post，他留言寫道：「我幻想嗰啲感動、流涕、擁抱，係唔會出現喺我老婆身上，睇嚟要再努力啲搵錢。」
圖片：IG@alvinngfukiu
