大家在外旅遊又有冇試過中伏？在外旅遊真係要處處小心，近日一名香港女生喺社交平台發貼，指出日前喺台北旅行搭的士嘅時候，找贖嘅竟然係假鈔，卻因車内環境較暗未能及時發現。
於是女生透過社交平台將被騙過程全曝光，希望其他網民在外旅遊嘅時候都要小心注意，最終女生在後續行街購物進行付款嘅時候才被店員提醒係假鈔，店員仲表示：「呢種手段應該係專門呃遊客。」
女生喺社交平台以「大癲第一次喺台灣收假鈔」為題，分享自己喺饒河街夜市搭的士竟被司機找續假鈔的經歷。
當時逛完夜市後，「貪方便喺出邊上咗㗎的士」離開前往西門町；上車前她見到司機的模樣「都知佢怪怪地」，但由於該的士排在的士站，咁啱輪到亦都冇理由搭下一架，於是都係上咗車。
但係一上車之後就發現唔係好正常，樓主發現車廂內「成地下都係食完嘅垃圾膠袋」，諗住路程唔遠，都係搭一陣，便決定忍耐；但乘車過程中，樓主又發現司機「又衝紅燈又超速」；遂在到達西門町後「諗住快快手落車算啦」。
女生以1張1,000元台幣（約港幣259元）紙鈔支付車資，但司機找贖嘅現金中竟然有一張500元台幣（約港幣129元）假鈔，夾在多張100元台幣（約港幣25.9元當中；惟當時環境較爲昏暗，並未留意到混入一張假鈔。
通過圖片見到，呢張「500元台幣」假鈔與真實的台幣十分相似，但鈔票正反面都印有「玩具銀行」及「玩具鈔票」的字樣。
之後，女生喺西門町買嘢畀錢嘅時候，經店員發現紙鈔有問題遂提醒樓主：「佢都話張錢好真，唔睇清楚都唔知，應該係專門呃啲遊客！」；她這才恍然大悟，遂提醒大家「希望大家去旅行嗰陣時都睇清楚啲錢……以後都係call Uber算啦喺台灣」，有感慨「去咗台灣咁多次，今次真係第一次見」。
