《第42屆香港電影金像獎》昨天（14日）舉行，其中電影《白日之下》的余香凝、姜大衛、梁雍婷奪得「最佳女主角」、「最佳男配角」及「最佳女配角」獎，頒獎禮結束後，《白日之下》團隊舉行慶功宴，一眾演員與大家分享得獎喜悅。
余香凝成功封后 拒與老公再生多胎
余香凝、姜大衞與梁雍婷接受訪問期間，提到余香凝獲得「最佳女主角」在台上感謝女兒的支持，她笑言回到家女兒應該睡了，所以感謝女兒的影片會在她起床時一起觀看：「我臨出門口，佢有同我講加油、錫我一啖！（獎座會畀阿女扮影后？）太重喇，佢會拎唔起，不過我會同佢講呢個獎對媽咪嚟講好有意義，代表咗一個夢想！（之後會同老公追多個小朋友？）都夠喇，其實有一仔一女都好圓滿！」
姜大衞奪「最佳男配角」愛的宣言閃爆全場
另外，76歲的姜大衞獲得「最佳男配角」後，在台上對太太李琳琳發表的愛妻宣言感動不少人，又指今年是與太太結婚50周年，是一件高興事情，更指將獎項送給太太是結婚禮物：「因為今年啱啱好係我同太太結婚50週年，我本來真係想請好多朋友一齊慶祝下，但係佢話唔好、驚辛苦又麻煩到啲朋友。忽然間醒起不如送呢個獎畀佢，係突然間醒起嘅！」
姜大衛強調刀鋒未生鏽：你話鋒唔鋒利？
姜大衞於訪問中，也有談到與弟弟爾冬陞未來合作的可能性，他坦言兄弟之間很少在這方面交談：「大家嘅諗法都唔同，大家都係演員、大家都係導演、但係諗法唔同，可以傾下時下嘅電影應該點，但好少傾你拍咩、我拍咩。（把刀冇生鏽？）你話呢？未生鏽㗎！你話鋒唔鋒利？」
