現年32歲的前港姐王卓淇2014年參選香港小姐後加入TVB，在2022年與TVB完約，選擇北上發展兼做KOL，經常也可以見到她直播分享自己日常生活點滴。最近王卓淇上載了一段在內地拍完劇集後的感受，內容引起網民討論！
王卓淇曾拍片爆TVB人工低
王卓淇自離開TVB後，不時拍片講舊公司秘密，其中一條影片，她爆在TVB工作第一個月的時候，只有$7000港幣，連起居飲食也成問題，到離開TVB時候，人工只有1萬多，指在TVB工作人工不高。近日王卓淇便為TVB平反，拍片笑言：「唔係最差㗎其實TVB！」
拍片為TVB人工低平反 指內地短劇集酬勞仲低
王卓淇回到內地發展，也有參與拍攝一些內地短劇集，她坦言每次在內地拍攝短劇集只有幾百元片酬，她說：「大家成日話TVB嘅收入唔高，喺香港嚟講係唔高，但係同內地短劇比呢，其實係OK㗎喎。因為呢度嘅成本係幾百蚊一集㗎咋，幾百到幾千，你好紅嘅短劇演員都係幾千蚊一集，除非你係一線呀，可能佢有一兩萬一集，但係一般都係幾百蚊一集嘅啫。唔係最差㗎其實TVB，平反一下先。」
王卓淇讚內地短劇集4大優點
王卓淇即時補充，雖然短劇集片酬較低，但勝在成本低、製作快、收益高，拍攝過程亦輕鬆，甚至最快6日就能拍攝完一部短劇集，她指這是港劇與內地短劇的分別：「港劇係要拍一套戲至少三個月，其實唔止港劇，我相信好多內地劇都係拍三個月到半年，但係佢哋係可以六日拍完一套，好犀利，九十集囉，當然一集係分零鐘，但係好勁囉呢個效率！」
