「大王」安德尊被指在今屆世界盃之中，與挪威神鋒艾寧夏蘭特（Erling Haaland）撞樣，不但獲封「港版夏蘭特」，更被網民惡搞GIF圖瘋傳，事件隨即在網上掀起熱話；昨日安德尊到新城廣播接受訪問，並獨家回應與艾寧夏蘭特撞樣一事，直言覺得「好得意」，更笑言若本尊來港，必定「博懵」都要企埋去合照。
安德尊昨日接受「新城八大家」訪問，對於有網民指他與夏蘭特好似樣，更惡搞他唱兒歌《前進啊！Gulliver Boy 》的舊照片，製成一張漸變成夏蘭特眼鏡造型的GIF圖，同時創作出金句：「香港夏X安德尊，挪威大王夏蘭特！」
（圖片：Threads）
安德尊表現得相當興奮，一連講了三次「好得意」來形容。問他個人覺得似不似？他表示：「似我做《城市追擊》嘅時候。」他坦言有不少同事和朋友紛紛發來惡搞片段，他隨即追問旁人：「吓？咁似？係咪似？」對於神似世界級運動員，他謙稱不敢當：「人哋靚仔好多，高大好多，有型好多。同埋人哋世界第一，唔敢高攀。」
對於連緋聞女友宋芝齡都認錯兩人，安德尊並未介懷，反而覺得大家「好俾面」。他笑言：「認錯咪認錯囉，都冇辦法啦，個個都唔怪，個個都咁俾面。」他又大讚新一代網民創作力無限：「佢哋能夠咁樣抽絲剝繭，抽少少形態出嚟，好得意！」他認為這種聯想十分有趣，完全不介意被惡搞，並將此視為一件開心事。
安德尊笑指若夏蘭特來港，他必定會「扮都扮出嚟」現身：「你哋唔畀我埋去，我博懵都企埋去！」他更鬼馬地表示：「到時要大家評吓，睇吓邊個似邊個。」
