劍擊運動員蔡俊彥（Ryan）日前首度到新城廣播接受訪問，宣傳新歌《我最討厭的男歌手》，他除了分享錄音及拍攝MV的挑戰外，更剖白了與好友呂爵安（Edan）在他決定投身樂壇時，給予的心理輔導，並提醒他可能要面對「hater」攻擊。
Ryan坦言，當初考慮是否做歌手時，內心有很多掙扎：「覺得自己夠唔夠吸引？唱功夠唔夠？會唔會影響劍擊成績？公眾會唔會好唔支持？」於是他向既是同學和室友，也是「前輩」的Edan逐一請教，結果Edan給他的不是歌唱技巧上的評價，而是一記當頭棒喝的心理準備。
被問到Edan給了他新歌甚麼評語？Ryan模仿好友的語氣說：「佢話『好呀，好聽吖』。」Edan對他的唱功沒有太多具體意見，反而在心理層面上幫了很大忙，「佢同我講，好大機會會俾人鬧，預咗會有hater。我覺得佢咁樣講完，我會舒服好多，因為我覺得呢條路，我唔係孤單一個。」Ryan指Edan分享了自己的經驗，他本身也有hater，但結論是「理唔到咁多」，他引述Edan的說話，「冇理由因為人哋唔鍾意，就唔去做自己鍾意做嘅事。」
對於剛進入樂壇就有Edan這樣一位朋友在旁，令Ryan更放心走未來的路。「當我遇到唔如意嘅時候，我可以同佢分享；佢有不如意嘅時候，佢都可以同我分享，我哋可以一路並肩作戰。」他更形容Edan的幫助如同一位「心理輔導員」，不僅逐一和他分析顧慮，更讓他預先做好被批評的心理建設。
Ryan透露以往兩人各自忙碌，見面漸少，但自從他開始做歌手後，反而多了很多話題。「大家依家做嘅事差唔多，好似有一個同我告別咗一段時間嘅好朋友，再出現喺我生命入面，我覺得好感恩。」被問到是否期待將來同台演出，Ryan表示非常期待。據悉，這對好友將推出合唱歌《1206》，並會在本月24日同台演出，相信粉絲們定必相當期待，就連Ryan亦表示：「相當期待。」
另外，提到拍攝《我最討厭的男歌手》MV，首次拍MV的Ryan大爆曾一度緊張至全身出汗，更想找人代拍，幸好獲得導演耐心引導，才慢慢克服恐懼。問他會否挑戰跳唱歌？他自嘲：「我應該會動作僵硬，短期內都唔會考慮，但長遠希望嘗試R&B或者一啲更歇斯底里嘅曲風。」
