藝人鄭俊弘（Fred）剛宣布離開效力24年的舊東家TVB，今天（19日）他到新城廣播接受訪問，親述未來動向。Fred透露現階段以自由身工作，並希望能夠在不同平台跟不同單位合作，同時爭取更多時間照顧患有「天使綜合症」的兒子鄭讚廷（Asher）。
Fred表示現時正值事業的空檔期，他會好好把握時間陪伴兒子。對於未來發展，他坦言對多個範疇均有興趣：「歌一定會繼續唱，演戲當然想，或者試吓拍電影、舞台劇。」他提到去年完成了音樂劇，期望未來可以在不同領域上發展。
將來參與商演而需要離開兒子，Fred解釋不會不捨得兒子，他表示：「其實我盡量用我最多嘅時間同個仔一齊，好似今日要做開工，就未能送個仔返學，否則平日盡可能每日都陪佢返學。」他認為只要回到家便能與兒子在一起，因此不會太不捨得。
談及與太太的分工，Fred表示必須緊密配合：「唔單只係同佢，仲有同婆婆、公公、工人姐姐，大家每一日都要對準schedule，睇吓今日邊個得閒、邊個忙，就要分配各個崗位。」 在演出類型上，Fred特別提到希望挑戰電影：「因為我真係冇拍過，呢二十幾年都係拍電視劇、舞台劇、音樂劇。」至於最想嘗試的角色，他透露希望能挑戰武打角色：「因為仲係年輕，體能可以保持。我細個已經開始學功夫、武術、搏擊，仲未好好利用過，可以挑戰一下。」
