「東張女神」吳幸美（Amy）今年3月宣布與圈外男友Sammy結婚，正式封盤成為人妻。新婚不久的Amy，昨天（14日）到新城廣播接受訪，春風滿臉的她透露婚後生活非常愉快，目前除了努力向母親學習廚藝，幕前工作亦會如常；被問到「造人大計」，Amy直言：「順其自然。」
Amy接受「新城八大家」的訪問，她透露婚後除了工作之餘，亦慢慢學習做一個好太太。至於誰是她的學習對象？她毫不猶豫地說：「一定係學習我媽媽，因為我媽媽係一個非常好嘅太太同媽媽，佢好賢淑，照顧到屋企非常好。」不過由於自己的烹飪技術沒有媽媽那麼厲害，所以會慢慢學習媽媽的真傳，「希望令到自己嘅另一半食得更開心」。
「出得廳堂」的Amy，正努力向「入得廚房」進發，她開心表示：「我已經開始煮嘢食畀先生食，佢都覺得好食，不過我希望可以煮多啲唔同類型嘅菜式，所以平時工作以外，我都會鑽研食譜，希望有更大進步。」問到最拿手什麼小菜？Amy笑笑口表示：「我係中西合璧，西餐比較容易，中餐就難啲，但最重要係屋企人食得開心。」至於煲湯方面，Amy謙虛稱：「仲未學到媽媽嘅煲湯功力，要繼續向佢學習。」
除了專注家庭，Amy的工作步伐並未因新婚而減慢，她強調工作安排絕對跟婚前一樣，會繼續努力做好《東張西望》的主持工作，同時公開呼籲：「歡迎大家搵我做司儀、拍廣告，希望有更多唔同嘅合作。」而老公亦給予她很大的自由，十分支持她繼續工作：「佢覺得《東張西望》係一個非常有意義嘅節目，可以幫到好多人。」對於是否有生育計劃？她笑笑口表示：「有，順其自然。」
