藝人滕麗名（阿滕）今天（12日）到新城廣播接受訪問，期間被問及李家鼎、李泳漢與李泳豪一家的「家變」風波，跟李泳豪拍攝同一個處境劇的阿滕，除了希望鼎爺要保重身體，她指劇組會上下一心支持豪仔，強調：「需要我哋時一定會企出嚟！」十分窩心。
李泳豪早前完成母親施明的喪禮後已正式復工，近日亦已為處境劇《愛·回家之開心速遞》開工，阿滕透露豪仔一直很用心工作，而且沒有帶一點情緒上班。她表示：「豪仔非常專業，我見佢有傾呢件事，但一開工就冇，冇帶呢啲情緒出嚟。」阿滕又表示：「其實外界真係應該畀佢哋一啲空間，因為家事已經好煩擾，媽咪（施明）又走咗，真係幾傷悲，唔應該再對佢哋造成額外嘅壓力。」
阿滕亦特別向鼎爺表達關懷，隔空喊話：「我希望鼎爺要保重身體，唔好太瘦，真嘅，我哋會擔心。」阿滕又指劇組上下團結一心，對豪仔的情況「在心中」，她表示：「任何一個演員有事，我哋都會挺身而出，你需要我哋嘅時候，我哋一定會企出嚟，唔需要嘅時候，我哋亦唔會多問，但你要我哋傾偈嘅時候，絕對冇問題。」
當年拍攝劇集《尋秦記》，阿滕便是跟鼎爺學習騎馬，她憶述當時在內蒙古拍攝騎馬場面時，由於當地馬匹未經香港式的專業訓練，難以控制，容易發生危險。已準備收工的鼎爺見狀，主動留下來幫助她完成一場需要騎馬奔馳及揮舞武器的戲份。阿滕笑言：「我記得離遠睇到鼎爺換咗衫想走，我問佢睇唔睇我騎馬，他笑住轉頭，然後就留低咗，好感激佢當年嘅仗義幫忙。」
