歌手許靖韻（Angela）今天（16日）到新城廣播接受訪問，宣傳新歌《連自己都不夠快樂》，更罕有地談及自己對身形的不滿。此外，她又驚爆自己對性感服裝「沒有底線」，為即將舉行的「25+ 英皇群星演唱會」隨時挑戰大膽造型。
Angela表示：「大家睇我新歌MV就會感覺到，嘩，爆喊呀，超悲傷。」她解釋：「呢首歌圍繞住一個想討好其他人嘅一個人。我自己本身唔係討好型人設，但我好希望討好型人設嘅人，佢哋都可以得到被愛，以及學會自愛。」
早前Angela到泰國旅行，並在社交平台分享性感泳衣照，獲得不少網民大讚「好索」，她聞言笑笑口表示：「我其實有著三點式泳衣，但就冇post，因為我覺得仲未夠fit，希望今年可以著畀大家睇。」
被問到對自己身材哪一部位最不滿意，Angela毫不猶豫表示：「我由細到大對自己嘅大髀係最唔滿意，因為我大髀係最粗嘅。」即使已經很努力瘦身，這問題依然無法解決：「無論我幾瘦，大髀依然都係好粗壯。」
不過，她透露自己最近心態有所轉變：「依家唯有學會接受，因為身形可能愈來愈多人可以接受。」當被問到會否考慮抽脂？Angela表示不抗拒別人這樣做，但自己目前未必會採用這種方式：「我會運動減肥。」
為了應付下月舉行的「25+ 英皇群星演唱會」，Angela正加緊操練：「未上過咁大型嘅舞台，好期待又緊張。最近真係好努力做多咗運動，因為要著好多好靚嘅衫，希望可以以最好嘅狀態出現。」可會在演唱會上挑戰性感服裝？Angela笑笑口表示：「依家準備當中，但要睇stylist為我準備咗咩，我唔介意性感。（係咪性感冇底線？）服裝上其實冇咩底線，唔好露點就得。」
