仲有一個幾禮拜就到父親節喇！呢個係向默默付出、撐起家庭一片天嘅爸爸們表達愛與感謝嘅日子。不過每年都有父親節，諗禮物真係諗到頭爆，作為仔女嘅你哋準備好禮物未呢？又會安排點樣慶祝？
而家乜都搵AI幫手，我哋都試下問問AI，睇佢有咩得意嘅好提議、好去處或好禮物推介。
今次我哋就向DeepSeek提問：今年父親節有乜嘢比較有創意，又估你唔到嘅禮物或者慶祝活動？
不過出來嘅結果就相當正路，都係去下露營、整下親子餐、睇下電影之類，唯獨其中一個「技能交換券」或「心願實現券」幾有創意。AI提議嘅唔係一般「按摩券」，而是具體兼幾有心思嘅「實用券」。
例如技能交換券，包括「24小時IT技術支援券」、「專業級汽車清洗打蠟券」、「幫你學會用XXX新科技產品券」、「陪你組裝複雜模型券」。而心願實現券，則有「陪你去看一場小眾樂隊演出券」、「週末釣魚/露營專屬陪伴券」、「學做一道他最愛吃的菜券」、「陪他完成一次徒步/騎行挑戰券」。
AI甚至列出呢款禮物突出之處，是「高度個性化、解決他的實際需求或滿足深層興趣，強調你的時間和陪伴是禮物核心。」
其實大部份爸爸在家庭中除了是經濟支柱外，還扮演着多個不同角色，根據AI列出，一般爸爸有8個角色，如教育者、遊戲陪伴者、紀律者、榜樣、保護者、照顧者，以及媽媽的老公。由於不少爸爸都表現出嚴肅、不苟言笑，但其實佢哋都有溫柔同感性嘅一面，只係唔善於表達。
不如就趁著今個父親節同爸爸進行一次心靈嘅交換同心願嘅實現，可能會有意想不到嘅驚喜，過一個特別難忘嘅父親節呢
