相信平時大家搭飛機多少都會遇到唔同嘅狀況，而近日社交平台上，一篇關於「坐了20年國泰航空，以後不再坐了！」貼文引起網民熱議，空乘竟然將白酒當成水給3歲小童，服務出錯嘅空乘仲要從頭到尾都冇同事主道歉，事後净係收到國泰嘅一封好敷衍嘅道歉信，令事主極度憤怒。
根據事主描述，事發當日，飛機起飛直至穩定之後，就開始派餐。過咗一陣小朋友同父母講：「爸爸我要水，這杯很酸！」事主飲咗一啖之後發現竟然係酒。奇怪嘅係，杯酒係用平時裝水嘅杯同餐一齊送嚟，而且事主一家三口都冇話要白葡萄酒，究竟點解會送錯？犯咗嚴重錯誤嘅空姐只是望咗一眼，用杯水換走咗杯酒，完全冇道歉。
事主立刻揾高級乘務，堅持要求醫生檢查，但空姐第一時間不是為她找醫生，而是竟要求事主先提供Email開Case，才經廣播尋醫後揾到一個自稱「醫生」嘅乘客，事主冇確認其醫生身分，國泰亦都冇確認，呢個「醫生」冇問過事主任何問題，並且冇檢查小朋友嘅情況，僅憑遠距離咁望咗一下，就話：「沒事的，在法國小孩5歲就喝酒的。」
飛行時間十幾個鐘，仲要啱起飛冇幾耐就發生咁嘅事，事主因爲太過擔心，選擇直接放棄自己位置，抱住小朋友全程檢查觀察狀態。到後續九個鐘頭，空乘都冇主動溝通，直至第二日送早餐都冇詢問，直至最後到降落也沒有任何溝通同埋醫療配套服務。
對於未成年人提供酒精都屬於違法行爲，無論係香港或者目的地英國，而且酒精會對幼童帶嚟嚴重影響，事主堅決繼續提交投訴，不少網民都表示支持。同時事主希望通過呢次經歷提醒更多家長，唔可以掉以輕心，要時刻提高自己意識，避免其他小童因酒精過敏而產生更嚴重，甚至危及生命的事故發生。
圖片：小紅書
