新城廣播全新節目《QK玉瑛室》由譚玉瑛、何基佑（Kay）、麥皓兒（Cayley），逢星期一至五，下午2-4時，新城知訊台FM99.7播放，今天（3日）是首集播出，三位主持接受訪問時，笑言想不到火花是這麼好，譚玉瑛坦言：「一開始係有啲緊張，因為有啲嘢幾秒我都唔明，好似Kay同我講啲嘢我扮明點頭咋。」
何基佑做大哥哥：呢啲粗重嘢我嚟啦
何基佑在節目中的身份是大哥哥，負責照顧譚玉瑛和麥皓兒，何基佑笑言：「我冇帶住任何人，我覺得夾得好好，呢啲粗重嘢我呢啲小朋友嚟啦，我做細嘅。然後又能夠同阿譚同Cayley一齊做嘢我覺得係有火花，諗唔到出到嚟會咁樣。」
麥皓兒同兒時偶像合作超興奮
麥皓兒則表示對她來說是一件非常高興的事，直言是從小時候看譚玉瑛姐姐長大：「我自己意想不到嘅火花，同埋今日都收到好多圈外同圈中朋友祝福，又有芷珊姐姐做第一集嘉賓。同埋啱啱搭的士，司機都同我講，一定要睇呢個《QK玉瑛室》。」
親解《QK玉瑛室》名由 首集請到黎芷珊做嘉賓
談到《QK玉瑛室》的節目名由來，很多人都誤會是說一些有關親子或肓兒的資訊，但三人否認，指節目什麼話題也會討論。而第一集則請到黎芷珊做嘉賓，譚玉瑛說：「最主要我想係第一集就有嘉賓嚟，咁我突然諗起芷珊姐姐下個月就有新節目，佢好努力經營咗成年，所以我好想知道。」
譚玉瑛認開咪緊張：今時唔同往日啦
另外入行多年的譚玉瑛剛才說到做電台節目原來非常緊張，其實她也有做電台，只是一個人做，因此覺得很輕鬆，「當時我一個人講，一啲都唔緊張，我鍾意自己講就講多句，我又完全唔使自己揀歌，監製會揀歌，咁今時唔同往日啦，原來依家好多嘢兼顧。反而我覺得我有啲幸福，估唔到我身邊兩位拍擋識咁多嘢，雖然係有啲緊張，但我一啲都唔擔心。」
