馬浚偉昨日（2日）以博愛義工服務發展名譽顧問身份，出席TVB 《博愛歡樂傳萬家》節目，在台上時他說到：「好高興一直有機會參與博愛好多慈善活動，成為大家嘅一份子。見到台上嘅義工，感受到博愛團隊不論年齡，都係無私付出愛同關懷，義工服務係透大家去薪火相傳，台上咁多位以及其他博愛義工，絕對係香港嘅無名英雄。多謝你哋！」
馬浚偉因1個原因避免在台上表演
這次有不少觀眾期待馬浚偉能在台上唱歌表演，馬浚偉坦言先要感謝他的娘家（TVB）：「我其實過去都參加過好多次《博愛歡樂傳萬家》，的確每一次都係唱歌，但大家都知道依家我有好多不同身份，全職亦都係新城廣播嘅COO啦，所以不便做一啲公開表演。不過入嚟鼓勵一啲義工朋友，我好樂意。」
馬浚偉預告新城廣播將同TVB廣播有深入合作
談到再次回到TVB，但已經不再是演員身份現身，馬浚偉笑言：「無論咩身份TVB都係栽培我長大嘅地方，對呢度感情好深厚。」他也透露新城廣播與TVB關係一定非常良好，預告將會有很多合作機會：「其實我上任之後同咗好多唔同媒體、唱片公司見面，傾咗好多合作，當然TVB一定會係其中好希望會能夠有啲深入合作方面嘅機構，大家拭目以待。」
馬浚偉5字親解搞「音樂統籌委員會」原因
另外馬浚偉在新城廣播任職後，不斷大搞新計劃，近日他成立「音樂統籌委員會」，是想為樂壇出一分力，訪問中馬浚偉談到成立的原意：「我覺得音樂係好重要，特別我哋年尾有個《新城勁爆頒獎禮》，我覺得我作為歌手咁多年，我諗我會有多重身份衡量一個頒獎禮嘅準則。所以係多方位諗一個頒獎禮，點樣能夠涵蓋最多範疇又得到最專業效果，亦能夠令好多用心付出嘅歌手得到鼓勵同埋認可。同埋我哋公平公開公正，超高透明度，大家可以同我哋提出疑問。」
