歌手林智樂（Felix）日前到新城廣播宣傳新歌《The Red Button》，大談新歌關於「前度來電」的戀愛共鳴。今年22歲的Felix更自爆是「堅A0」（沒有戀愛經驗），不但笑稱歡迎大家「懸賞」找他拍拖的證據，更自爆是「戀愛腦」，預告一談戀愛就會全程投入。
Felix在接受「新城八大家」訪問時談到新歌《The Red Button》，他表示：「我相信大家如果有拍過拖嘅話，都會好有共鳴，成日都會諗：究竟前度打嚟做乜呢？係話你知佢結婚？定係想同你復合？定係純粹想講吓近況？呢首歌會畀到一個答案大家。」
問他可有收過前度的來電？Felix笑言：「我冇啊，因為我冇前度㗎！我希望將來可以有呢啲經歷，因為我覺得如果有嘅話，唱情歌會更有感覺。好似我同朋友傾偈，佢哋覺得經歷過之後，唱出嚟嘅味道真係唔同㗎！（你係「A0」？）係呀！」
早前同公司的鍾柔美因「A0事件」引來全城熱話，Felix表示：「嗰啲唔好提喇！」但隨即強調：「我真係堅A0㗎！歡迎大家搵任何證據畀我，如果搵到我拍拖證據，重重有賞！我喺公司話自己A0都覺得好尷尬，但我真係堅㗎！」
Felix希望能夠盡快脫單，亦不介意公開，「如果唔係A0，又畀大家影到，我就話畀大家聽，我冇所謂，如果影到，我都會開心share，係開心事。」但他希望開始拍拖時外界能給予空間：「因為啱啱開始一定好多輿論，會嚇親人。我係『戀愛腦』，一拍拖就好難投入工作，所以就順其自然。」
除了宣傳新歌，Felix亦透露即將舉行首個個人巡迴演出，他表示：「第一站會喺內地，地點遲啲會公布，五月底就會正式開啟呢個Tour。」由於這是他首個正式及大型的Tour，所以心情興奮又期待，「好多歌都想arrange，或者有啲新嘅感覺畀大家。」
圖片：新城廣播
