事業動向未有update的炎明熹（Gigi），繼續在社交平台向粉絲報告行蹤。繼上月底貼出與聲夢學員赴主題樂園慶祝萬聖節的白面女魔驚嚇造型後。昨日傍晚Gigi又出動，跟「Gi炎粉」分享在海邊吹風的寫意照片，相中Gigi以慣常的黑框眼鏡學生look、頭戴cap帽眺望維港海景，她表示：「第一張，同大海合照，表示開心，好彩佢冇發嬲，如果唔係冚熄我啲火，嗚嗚嗚。」
透過文字發揮無限想像力的Gigi，似是向粉絲派定心丸，表示自己仍然有火。她續道，「第二張，同大海傾緊生意，扮正經；第三張，扮有mood，同大海談情說愛中；第四張，紅掌女士的背影(不是名畫）。解讀完畢，掌聲唔該。」
Gigi是否有暗示？還是純粹搞笑？Gi炎粉一定明白箇中意思，紛紛留言猜迷，「第四張一見到覺得好似這個殺手不太冷嘅封面」、「要求出直播，要求出直播」、「見到你就開心，就算幾大浪都唔會冚熄啲火，我哋永遠支持你」
相信大家都知道，繼「炎三料」後炎家又多了一名新成員——炎曙。作為第二任媽媽的Gigi早前曾分享感受，「感覺就是晚上BB要飲奶，係咁叫阿媽嘅感覺，媽媽不易做，真偉大。」
Gigi沒有分享為何會為二寶取名「炎曙」，但照字面解，「曙」字指破曉的黎明，有現曙光的意思。Gigi有家人、炎三料及炎曙陪伴在側，又有Gi炎粉隔空打氣，希望早日在公開場合見到Gigi以最佳狀態再現舞台。
圖片：IG@yiminghay
