現任西貢區議會議員方國珊日前到新城廣播，接受由譚玉瑛、何基佑及黃筠兒主持的《QK玉瑛室》訪問，新城廣播有限公司首席營運總監馬浚偉專誠來探班。在1984年，方國珊報考亞洲電視藝員訓練班而加入娛樂圈，當年只有18歲的她，獲安排飾演「哪吒」一角而成功入屋，而她亦與不少圈中人熟稔，更與演藝界長青樹胡楓（修哥）上契。
現年92歲的修哥早前在澳門舉行演唱會，一眾契仔、契女擔任表演嘉賓上台獻唱，而方國珊亦有專誠捧契爺場，她開心地說：「92歲真係破天荒，我會形容契爺係一個宇宙最強嘅godfather，同埋最好嘅爸爸。」譚玉瑛表示十分認同，她說：「你形容得都幾啱，佢完全冇架子，對任何一個人都冇身分界限，仲會主動撩你傾計，愈後生愈會走埋你身邊，會主動問候吓你，之後再開始工作。」
方國珊透露數十年前，與修哥在電視台相識，當時已跟他很投緣，之後她、森森和斑斑一起與修哥上契，「當時仲有張學友、黎明，黎明係我契細佬，契爺係我哋嘅典範，我會終生向佢學習。」今年年初，修哥開通了小紅書，方國珊笑說：「佢話訪問人，啲後生嘅一定企定定，見到佢真係好上進。」
身為西貢區議會議員，方國珊除了盡責地區工作，亦在疫情後積極復常，振興該區的經濟；適逢日前西貢天后誕，西貢市中心連續數天有大型慶祝活動，方國珊亦特別作出介紹，「我哋喺廟附近搭咗個好大嘅戲棚，有粵曲同粵劇演出，今次重頭戲仲引入100個攤位，有好多文青市集，希望吸引多啲市民嚟玩。
