劉佩玥(Moon)和張振朗早前飛往加拿大工作,在當地接受新時代電視訪問,提到愛笑的Moon,為人活潑又爽朗,形象「入屋」,成為宅男女神,雖然有女神包袱,但她一點都沒有顧忌,Moon說:「開心時候開心,玩嘅時候玩,我都會瘋狂食嘢,睇我身形都知我唔係唔食嘢嘅人啦!我覺得大家而家接觸好多唔同嘅媒體,會有一個標準,瘦就係靚,可能我會唔係太認同,無論高矮肥瘦,咩類型女仔都好,最緊要係健康同開心。」
![娛樂-明星-劉佩玥-張振朗](https://metro.hk/wp-content/uploads/2024/05/5-6.jpg)
張振朗自入行後,因為貌似張智霖,故有「翻版Cool魔」的稱號,他憑住自己的努力,一步一步走上去,由路人甲乙丙,躍升至小生之列,絕對有苦有淚;不過,張振朗也樂在其中,他說:「我演過唔少冇對白嘅角色,當時冇諗咁多(放棄),就算冇對白都會覺得好開心,同幾個訓練班同學演路人甲,喺鏡頭前經過,其實都好開心,當然如果有對白,仲會更加開心啦!但我好好彩,文偉鴻監製搵我第一套入劇組角色,就係《法網狙擊》,講我係童黨嘅首領,累到一個女仔跳樓死咗,做好多傷天害理嘅嘢…」Moon托住頭道:「哦,原來你係做壞人出身嘅!」張振朗笑說:「我都好想做壞人,因為本身個人太好喇!」Moon聞後不知如何應對他。
![娛樂-明星-劉佩玥-張振朗](https://metro.hk/wp-content/uploads/2024/05/441602383_18433412890042550_870328195048009084_n.jpg)
對於Moon與張振朗的友誼,源於2017年合作拍攝《堅離地愛堅離地》時候開始,Moon指有句古語「三人行,必有我師焉」,「有次約佢(張振朗)出嚟食飯,有一半時間都係講戲,無論喺工作定生活,如果有個朋友可以咁樣係好好;無論喺戲外定戲內,佢一個眼神,我就好快知道佢係諗緊啲乜嘢,佢對眼好講到嘢。」張振朗指Moon為人太過敏感。
![娛樂-明星-劉佩玥-張振朗](https://metro.hk/wp-content/uploads/2024/05/133610111_228467392014232_7828294671793902723_n.jpg)