現年26歲的郭柏妍去年在TVB台慶時表演空中空中瑜伽險些走光，令觀眾睇到心驚，幸好郭柏妍立即伸手遮擋，避免走光出現。而近日郭柏妍在IG宣布在1月時候，參加了空中舞蹈比賽，還奪得亞軍，成績驕人，但竟然被網民鬧爆。
郭柏妍參加空中舞蹈比賽猶豫幾星期
郭柏妍先在IG寫長文，表示在去年12月時候已在考慮應不應該參賽，還猶豫了幾星期，「一直覺得我做不到，然後猶豫咗幾個星期，亦問咗好多人嘅意見，最後還是決定去參加了。畢竟沒有想過自己獨自離開香港」。
首次參賽即拎亞軍超叻女
在比賽過後郭柏妍還奪得亞軍，相當厲害，但她認為最開心的事並不是得獎，「高興的是沒有想過能夠認識一班志同道合嘅朋友，簡簡單單純粹喜歡一樣的東西的感覺真好，一拍即合嘅感覺很很很爽，你哋嚟緊嘅比賽加油」。
郭柏妍被網民鬧爆 分唔清空中舞蹈同空中瑜伽
不過郭柏妍就被網民鬧爆，原因是她起初時將空中舞蹈（Aerial Dance）與空中瑜伽（Aerial Yoga）混淆搞錯，網民留言寫道：「比完賽都仲話自己係空中瑜伽，連自己比賽比啲乜都唔知」、「你攞完獎都話自己呢個係空中瑜伽比賽，我都唔知你攞呢個獎嚟做乜」、「你後面大大隻字寫住Aerial Dance，不是空中瑜伽喔親」。
郭柏妍高EQ回應獲讚：會好好虛心學習呢兩門藝術
郭柏妍亦高EQ逐一回應網民的批評，「非常抱歉 冒犯你了，多謝提醒。無論係空中舞蹈定空中瑜伽，我都非常享受過程，會好好虛心學習呢兩門藝術，單純分享一下參加嘅過程，知道自己對兩門藝術仲有好大進步空間，獻醜了。」
