現年34歲，童星出身的黃美棋早前宣布與拍拖10年的主持男友鍾健威結婚，二人將於4月6日舉行婚禮，筵開35席招呼親朋好友。
婚前終極性感派福利 黃健東：要盡地一鋪嗰種性感
昨日（2日）黃美棋在IG發布一輯唯美婚紗照片，在婚前終極性感派福利。相中黃美棋穿著鮮紅色的低胸婚紗，其中一張與未婚夫甜蜜對望，令唔少圈中好友大讚「好Sweet」，同時黃美棋的身形亦成為焦點，藝人黃健東留言寫道：「當晚唔該要盡地一煲（鋪）嗰種性感」。
而這段時間忙於婚禮的黃美棋指不經不覺就快到出嫁的一天，她寫道：「原來得番幾日咋，can’t wait to see u all。原來婚禮前真係好忙架～結婚嘅前奏就係同大家share下我地嘅靚相～」
星級兄弟姊妹團仲請埋TVB「大小姐」
另外，二人在娛樂圈打滾多年，人緣不錯，這次結婚，亦也請到星級兄弟姊妹團，當中包括「大小姐」林淑敏、林奕匡太太李靄璣、HOY TV一姐「妹頭」盧頌恩、黃芳雯及虞逸峯等。黃美棋邀得「大小姐」林淑敏做姊妹，全因交情深厚，二人過去曾一同主持TVB節目《流行都市》，相信估計因而成為好友。未婚夫鍾健威早年亦拍攝不少有線電視節目，兄弟姊妹團當然亦有不少HOY TV藝員。
