新城知訊台節目《Hello早晨》今集邀請到歌手蔡楓華（Ken）作嘉賓。蔡楓華在節目中重提1985年《勁歌金曲》季選上，他在張國榮獲獎時說出「一剎那光輝唔代表永恆」的風波。他強調，該番說話絕無攻擊或誹謗張國榮之意，更表示原本接著要說的一句是：「喺度希望張國榮嘅光輝，係永恆不止。」
蔡楓華解釋，當年他原本與俞琤拍檔主持，但俞琤不在，換了盧敏儀頂上，對方不知道他想講甚麼，中途打斷了他的說話，導致意思被扭曲。他重申原話：「我話我衷心祝福張國榮，入選咗三首金曲金獎，一個人一時嘅光輝，未必係永恆，喺度希望張國榮嘅光輝，係永恆不止，即係咁簡單咋嘛！」
對於事後有監製要求他向張國榮公開道歉，蔡楓華表示當時他堅決拒絕：「我話唔可以，呢一樣嘢我做唔到喎，我寧願你炒我，我可以向全香港觀眾道歉，我唔會向一個人道歉！知唔知點解？因為我真係冇針對人嘛！如果我都同人道歉，即係我針對人啦！」
蔡楓華更澄清：「蔡楓華未畀人封殺過啊！你哋唔好再講『蔡楓華被封殺啦』，絕對冇呢種事！」他解釋，當時是自己不想再做《勁歌金曲》主持，因為既做主持又入選，與人競爭，覺得存在矛盾，故主動提出轉合約，將藝人合約改為歌手合約，並非被 TVB 封殺。
談及近況，蔡楓華分享今年2月曾在三藩市 Graton Casino 舉行個人演唱會，3月在洛杉磯 Morongo Casino 演出，觀眾非常熱情不肯離場；在美國亦碰到不少同業，包括李克勤、草蜢、古巨基、BIG FOUR 等，獲益良多。他又透露未來大計，將於今年12月11日及12日在香港舉行《蔡楓華情深意切演唱會》，另外亦會再做紅館、廣東省巡迴、拉斯維加斯及大西洋城演出。
圖片：新城廣播
重溫節目，請於9月22日知訊台《Hello早晨》：https://www.metroradio.com.hk/MetroInfo/
