由阮兆祥、李思捷、王祖藍主持的香港首個扮嘢真人Show《福祿壽訓練學院》將接棒《中年好聲音2》強勢推出。節目將用淘汰賽制，節目用了超過半年做招募，製作組最終在數百名海選參賽者中，精挑細選50位別具扮嘢潛能的入圍者接受福祿壽三子悉心調較。50位入圍者中，當中一半是素人、一半是藝人；眾人先後要在初選及第二輪面試中脫穎而出，才有資格在首兩集的首輪競賽亮相。由於首輪競賽以「盲選」方式進行，為保持神秘，製作組一直未有公布50位入圍者身份，不過據知單是入圍藝人已相當多元，除了有前天堂鳥成員葉泓聲（Gordon）、還有近年演戲屢見突破的關嘉敏、坐擁8級小提琴音樂資格的吳兆麟（Alan）、以及港姐出身的靚女主持伍韻婷（Juliana）等。
Gordon擔心節目播出街形象會被摧毀
為公平起見，製作組事先強調無論是面試或是首輪競賽，均不會提供任何物資或是人力上支援，換言之無論藝人或是素人，要突圍都要絞盡腦汁在自己能力應付範圍內做到最好。對此有份參賽的關嘉敏、Gordon、Alan及Juliana受訪時，均坦言在造型上花了不少心思！Gordon為了向鍾情的跳唱偶像致敬，不但苦練勁舞，更動用大量人情咭：「今次面試片無論音樂、剪接同effect都係朋友幫手做，另外有四位只係收咗車馬費幫我跳舞嘅Dancers，仲有幫我搵呢四位Dancers、同幫我fine tune隻舞嘅同門師兄弟，好多謝呢班一直以嚟陪伴住我嘅戰友。」至於Alan，則找來《全城一叮》好拍檔黃瀅仴幫忙化妝，並與好友劉倬昕（Sam Lau）拍住上面試：「啲衫同道具都係我哋喺網上買完返嚟再整，挑戰都幾大，我都好擔心出街後自己形象會被摧毁。」
關嘉敏用4小時化妝 爆現場幾乎冇人認得
關嘉敏強調為了首輪競賽造型花了不少功夫，並很開心獲一眾好友鼎力支持：「身邊好多朋友都好興奮、好願意去幫我，同埋專登搵人做咗件同嗰個人嘅招牌Look一模一樣嘅衫，成本都高，但我冇理、因為只係想一心做好件事。」關嘉敏續指單是化妝已花了3至4個小時，並笑言最開心是化了妝後，現場幾乎沒有人認得她。
Juliana扮《功夫》包租婆有霸氣
選擇以經典電影《功夫》中的包婆造型面試的Juliana，希望能藉著參賽突破自己：「呢個角色好iconic，同埋好粗魯同好霸氣，我都想show畀人睇我扮到呢一面。其實佢個造型都算易，只要有煙、同埋我屋企又咁啱有條類似嘅裙，佢個頭係我用自己嘅頭髮卷出嚟。」
素人阿昭惡搞汪明荃跳唱《熱咖啡》
據知，素人方面實力亦相當出眾，其中一名參賽者阿昭，更由面試到打入首輪競賽期間均以low budget成功震撼幕後工作人員及三位導師。今日製作組公開阿昭模仿汪明荃（阿姐）跳唱《熱咖啡》面試相，除造型令人眼前一亮，當中的「星級客串」亦是甚為爆笑！阿昭受訪時，坦言整個造型前後花費不足200港元，並笑言星級客串是重點：「汪阿姐咁重量級，我可以模仿到佢三生有幸。阿姐嘅《熱咖啡》相信好多人睇過，再由我扮佢相信反差會大啲，亦希望爆笑啲。成個造型我係上網買晒成套衫、再將啲羽毛搵啲爛衫纏落去DIY出嚟，Budget都控制到喺200蚊之內，另外都好多謝一班朋友願意幫手演出。」阿昭更預告首輪競賽造型繼續200港元之內搞掂，認真精打細算。
