組合魔音女團MYNT成員包括隊長Sabrina宋宛穎、Carmen倪嘉雯、Skylar盧映彤、Ellyn倪樂琳、Hilary莊子璇，接受新城廣播《勁爆樂勢力》主持黎莉的訪問，首度以團體身份到電台詳談成軍感受。其中chelsea 喬美莎身處國外未有一起接受訪問，成員們在節目中坦承對「歌手」這個新身份仍未完全習慣，但內心暗喜。
問到各成員是否已習慣「歌手」身份時，Hilary在訪問中笑言：「每當有人用歌手身份介紹我哋，我就會覺得好新奇，仲未試過，會少少暗爽。」而同樣港姐出身的Ellyn就認為，歌手同演員面對傳媒的感覺分別不大，但最大挑戰是「坐坐下房突然叫我唱兩句」。
作為女團首支派台歌《Turn My Magic On》，成員透露歌曲名字同「魔音」概念有關。Carmen解釋：「魔音有兩個意思，一係真係魔音難聽，二係天籟之音，我哋想做後者。」對於歌曲演繹難度，Hilary指六人音域高低差異大，三位低音成員Sabrina、Ellyn、chelsea，同三位高音成員Hilary、Skylar、Carmen需要平衡，最終監製Jacky 揀選較低音版本，以免「太高音會走音」。
講到首次以歌手身份現場演出，眾人異口同聲指動漫節的表演最難忘。Carmen表示：「我哋好習慣有好多cam影住，但唔習慣現場有好多人望住。」Sabrina補充，當日未有事前排練舞台走位，要即場適應，但回看直拍片段「都做得唔錯」。Hilary更坦言：「我發覺我鍾意live多過recording，上台腎上腺素飆升，經理人成日話我哋一上台就換咗批人。」
面對網民好壞參半嘅評論，隊長Sabrina大方回應：「唔好嘅聲音多過好添，但我哋覺得無問題，因為歌手呢樣嘢對我哋太新，一定要接受批評先可以進步。」她透露團隊每周勤練唱歌跳舞堂，希望日後令觀眾見到「MYNT由出道到而家有好大進步」。
圖片：新城廣播
重溫節目，請於8月12日 12:00 – 12:30 知訊台《勁爆樂勢力》：https://www.metroradio.com.hk/MetroInfo/
