「歌神」張學友於昨晚（24日）假紅館完成其破紀錄的《張學友60+巡迴演唱會》最終場，為這場歷時兩年七個月、橫跨多國、合共324場的音樂盛事畫上完美句號。昨晚尾場，眾多圈中好友包括邱淑貞與沈嘉偉、庾澄慶、曾志偉、鍾鎮濤、狄波拉、葉童與陳國熹及鄧麗欣與男友等均到場支持，場面星光熠熠。
演唱會以一曲《留住這時光》揭開序幕，學友隨後一連獻唱多首快歌《Ooh La La》、《馬路英雄》和《情不禁》，掀起全場氣氛。學友幽默地向觀眾問好：「大家好嗎？我麻麻哋啦！今日完咗就失業，但會好快搵番工作做，大家加油！」他坦言來到第324場終章，心情複雜，並笑言大家要努力賺錢，因為他很快會再開下一次演唱會，引來全場歡呼。
學友在台上特別感謝每一位觀眾，強調「60+巡迴演唱會並非個人演唱會，而是我們的演唱會，一個人是做不了」。他更笑言：「變成我們的演唱我就好開心，因為你哋會走音，我都可能會。」巧妙回應了早前有關其唱功的網絡討論。此外，他亦做出可愛的「比心」手勢答謝樂迷，笑稱自己懂得做，只是「六十幾歲唔好意思做之嘛」。
他亦深情感謝家人支持，透露媽媽總是鼓勵他工作，甚至在他說「失業」時催促他「快啲去返工」。他特別感激太太羅美薇在背後的支持，並笑說兩個女兒久不久來電問候：「『點呀？OK嘛』，都多謝佢哋，Thank you so much。」更幽默表示因女兒們在外讀書常說英文，自己才學會講英文。
演唱會結束後，學友在後台舉行支票捐贈儀式，將演出所得花籃善款共130萬港元捐予慈善機構，由曾志偉代表接收。學友表示希望休息後籌備音樂劇，並會繼續唱下去，更大讚94歲的契爺胡楓開唱「好叻」。
學友解釋此次展開大型巡演的原因，是希望證明自己還可以，「係好任性，證明60歲並唔恐怖，我唔相信60+係應該停喺度的數字，想證明比自己知我係可以。今晚心情好複雜，想喊又唔想喊，緊張又唔緊張，唔知點形容，但我唔會嘅！都幾廿歲，仲喊咩！」他在Encore環節中獻唱13首經典金曲，包括《講你知》、《明日世界終結時》、《真情流露》等，學友笑言這些沒可能不是金曲，並透露未來有意舉辦一個專屬的「金曲演唱會」。
談及最難忘場次，學友提及在馬來西亞因耳水不平衡暈倒台上的經歷。他解釋該病從小就有，當日綵排無事，化妝後才開始暈眩，但考慮到取消演唱會影響重大，決定「博一博」。他憶述：「嗰次喺斜台跣低，又死要面撐起身繼續唱。」被問到在演唱會中成為標誌性動作的「一字馬」，學友笑言這個動作本為演出效果，沒想到卻帶來意外收穫。「我拍戲時傷過腰，一直有腰痛嘅舊患，飽受困擾。但為咗做一字馬，我不斷拉筋，做咗324場，反而將條腰嘅筋骨拉鬆咗，腰痛真係改善咗好多。」即使不在舞台上，現在也會在家堅持拉筋鍛鍊，甚至挑戰更高難度，試過拉到雙腿瘀青也不放棄。
對於早前手掌發黃被傳健康出問題，他澄清是拜神持香所染。而被問到頻密開騷是否與欠債傳聞有關，學友大方回應：「其實我好慳，有儲錢習慣，不過解釋得多就會變咗掩飾，我冇借錢習慣，唔出嚟就冇事，一出嚟其他人就有說話，冇辦法控制，亦阻止唔到。」
被問到會否與劉德華、黎明、郭富城以「四大天王」名義合體演出，學友表示「四大天王」只是一個時代的稱號，「係某個時代，希望留喺美麗嘅感覺同回憶」，並強調各人已分開發展，自己亦不會以此自稱，寧願向前邁進。
