近日，喺雲南昆明滇池，出現咗大量魚群飛躍出水面的異像，引起民衆錄下影片上傳到社交平台。同時因爲今年地震等災難頻發，不少市民擔心，係唔係因爲動物感應到有災難即將發生。有專家解釋，魚群出現凌空翻騰的現象，係天氣原因，令魚群要跳出水面「唞氣」。
喺6月1日，有多位網民分享拍攝於昆明滇池嘅影片，可見滇池內數以百計的魚群，不斷躍出水面，場面十分壯觀，異像持續咗大概1分鐘。
影片喺網上廣泛流傳，好多網民都留言表示覺得情況怪異，但更多人擔心會唔會係動物感知可能會有災難發生，「這種反常現像一般都是震前才會出現」、「這是大事件前的前兆」、「全民需注意安全防範，事出反常必有因」「這是災難來臨的先兆，動物的感知很強」。
昆明市滇池管理局工作人員6月2日向媒體解釋，魚群集體躍出水面係因爲6月1日落大雨，令水中氧氣不足，魚群要跳出水面吸取氧氣。有網民認為呢個解釋合理，因為雲南暴雨，把大量污染物沖入滇池內，令水中氧氣不足，魚群才躍出水面「唞氣」，而非災難預兆。
圖片：抖音
