今日（13日）凌晨1時40分，北角金龍臺梁姓女住戶報案，稱家中部分現金及金器唔見咗，懷疑遭到39歲菲傭盜竊。
警方接報到場，經過初步調查，相信住戶約24,000元現金及一些共值約27. 5萬元的金器首飾疑被外傭盜去。女傭涉嫌「盜竊」被捕，現正被拘留調查，失物尚未揾返。
近年來，外傭疑似偷盜的案例增多，市民聘請外傭嘅時候需要考慮嘅方面亦多咗，如果外傭工作態度惡劣、行爲不當甚至違法，又應該點處理？
首先最簡單直接嘅方法係將家中貴重物品妥善保管及存放，不要將大額現金、珠寶首飾等貴重物品隨意擺放，應使用保險箱存放並保管好密碼或鑰匙。
其次，應檢查和統計家中存放的現金數量和貴重物品，若有需要可以列一個list，以免忘記。同時應該定期檢查家中財物和貴重物品，避免不清楚被偷竊的金額。
最後，如果真係不幸發生咗盜竊事件，雇主在收集相關證據之後，應立即報警處理，並與外傭中介機構聯絡，確保之後所有程序符合雇傭合約，不會違反法律。
