許軼（Day）、沈貞巧（Gao）、蘇雅琳（Ivy）及陳泳伽（Winka）早前（1日）到新城廣播接受黎莉主持的《勁爆樂勢力》錄音訪問，宣傳Collar同日推出的最新團歌《Trouble Trouble》。她們表示今次新歌比較著重「玩」，以頑童角色展現Collar的另一面向。Ivy謂：「雖然收到Demo嘅時候未有廣東話歌詞，但整體感覺已經好女團。」
對於首次與蔡德才監製合作，眾人表示：「本身喺唔同演唱會上都見到佢作為演唱會監製，所以首次合作都會好緊張，但佢同印象中好唔一樣，佢其實係一個好Yo好Chill嘅監製。」她們更指今次錄音前，監製自身錄製整首歌曲，作她們錄音前的參考！
眾人更提到她們拍MV期間的趣事，今次係MV拍攝日數最多的一次，並於Campsite中取景，所以整體感覺非常Chill。由於MV其中一幕需要她們向周圍掟蘋果，但Ivy未有察覺手中為真實蘋果，不慎掟中Day。成員紛紛表示幸好Day的頭部非常堅固，故未有受傷！
提到Collar 2025會否延續新歌「玩」的主題，Winka表示：「大家有共識，大家眼中Collar好似代表住唔容易，但其實並唔係只有Collar唔容易，所以希望2025年可以用正面啲嘅形容詞代表Collar。」
圖片：Collar IG
