早前歌手連詩雅在社交網站宣布與老公造人成功，近日她出席公開活動時，接受傳媒訪問，表示已懷孕4個多月，而當天她身穿露腰晚裝登台表演，身形完全不像一名孕婦，連詩雅笑說：「還好，露少少腰仔，依家揀衫方面都要少少努力，因為都想遮下肚，呢件衫係最遮到。」
連詩雅工作唔減產：如果好劇烈嘅工作我都唔會接
懷孕4個多月的連詩雅目前工作方面還沒有開始減產，她希望就算是懷孕也能與工作兼顧。但是老公陳家樂就希望她多點休息，「其實佢都叫我小心啲，都相信我知道自己能力做到。但如果好劇烈嘅工作我都唔會接，但唱歌我OK嘅。」，
連詩雅懷孕仲想去跑步 被老公7字反駁
另外連詩雅亦爆陳家樂要求自己一舉一動也要小心一點，「會嘅，所以佢就唔係好想我出去跑步囉，（你仲跑步？）我想但佢就會好似你咁嘅反應，我自己未懷孕時候跑步入黑都試過仆親損晒，佢又講『你咁論盡唔好啦』，會行路囉。佢話可以做GYM，因為有人睇住。」
連詩雅為BB做足將來準備 有計劃會搬屋
而連詩雅透露現時懷孕也沒有很大的情緒波動，「可能進入咗第二週期就有少少囉，我冇發脾氣，我係好易睇到一個劇或畀一啲事情觸動我就會好易感動同流眼淚，但都係一下。」
作為將會做新手父母，連詩雅直言已準備一些將來計劃，為BB安排好一些事：「確實有一個轉變，譬如我哋生完之後會唔會繼續係呢間屋住呀，或者我哋點分配照顧BB人手問題呀。（老公聽晒你話？）我哋坦白講結咗婚之後好少拗撬。」
