日前劉美娟現身新城廣播接受好友漢陽的「詩歌有Guide」錄音訪問，大談與老公張崇德由約會到決定結婚的經過，說是「經過」，原來由拍拖到結婚的過程只有一天，而作為張氏夫婦好友的漢陽，亦是當年婚禮的伴郎，見證一對戀人成眷屬。
兩人結婚23年，一直恩愛至今。漢陽卻在節目上笑指當年覺得劉美娟和張崇德大欖都扯唔埋，劉美娟說：「我係演員，佢係唱歌，真係冇諗過，但好感恩，當初我有個拍拖超過十年的男朋友，分手後認識咗崇德，但唔係我主動去認識，我要視為結婚對象先會去開始，之後祈禱同神講要畀我就畀我。」
原來兩人一早在對方生命中出現，雙方既是「藝人之家」成員，又曾結伴拍攝福音節目，然後兩條平衡線重疊了，「突然有個感覺，呢個人就係結婚對象，而佢都有好強烈感覺，呢個就係你將來妻子。」機會來了，男方正式表白，「佢話聽到呢個聲音，我話其實我都聽到，大家就好開心，我哋2000年12月31日開始，佢2001年1月1日同我求婚，只係隔咗一日。」
緣份來得太快嗎？對愛情，劉美娟有她的想法，「佢話好似太快，我話都唔係，仲嘥咩時間，咁我哋嗰年年尾11月就結婚。」對的時間遇上對的人，漢陽還踢爆崇德在婚前守身如玉，「佢係我認識嘅基督徒中最虔誠一個，佢要真係老婆先至會做結婚那件事，好乖仔。」劉美娟即謂，「時下年青人都係，唔好心急，婚姻唔係搵一個合適嘅人，而係去做一個合適嘅人，即係要付出同埋愛。」
詳細內容，請留意10月13日，晚上9-10時，新城知訊台「詩歌有Guide」節目
網址：https://www.metroradio.com.hk/MetroInfo/
圖片：新城
