衛詩雅(Michelle)早前在新城接受由潘紹聰主持的《恐怖熱線》訪問,原來她是潘紹聰節目的忠實粉絲,首次來到電台分享靈異經歷,更大爆爸爸遇上「神棍」一事。
![娛樂-明星-衛詩雅-恐怖熱線](https://metro.hk/wp-content/uploads/2024/06/1.潘紹聰衛詩雅-scaled.jpg)
![娛樂-明星-衛詩雅-恐怖熱線](https://metro.hk/wp-content/uploads/2024/06/3.-衛詩雅-scaled.jpg)
Michelle指自己首次看到靈體,是在朋友的西貢寓所,她看到如籃球般大的白色氣體極速走出來,這個畫面仍然歷歷在目。另一次遇上怪事經歷,是發生在父母家,某個晚上,她寄宿在父母家中,凌晨3點聽到愛犬望着一個位置狂吠,令她起了疑心,「屋企出面的戶外環境比較大,第二朝我哋重睇閉路電視,見到狗仔狂吠之前,屋企出面有幾盞燈先後着咗,維持咗廿幾秒,好以有人喺出面路過再企喺度咁。」
Michelle於是向一名師傅求助,該師傅指Michelle家中有廿多個靈體,她表示知道後並不害怕,只擔心被靈體偷看她洗澡。「爸爸信有鬼,有段時間戴到成身佛牌,又將佛牌掛喺安放關公像嘅櫃上面;有日放學返屋企,我見到兩個男人喺屋企做法事,阿爸叫我唔好理,跟住我聽到師傅唸經,嗰刻有一下暈一暈,跟住就請走晒所有佛牌,連關公都請走埋。」
![娛樂-明星-衛詩雅-恐怖熱線](https://metro.hk/wp-content/uploads/2024/06/4.-衛詩雅-scaled.jpg)
最後,Michelle分享了一個父母差點受騙的經歷,「佢哋有日同我講,話約咗觀音,又話有好多師傅徒弟一齊去,佢哋叫我一齊去,觀音咁難約梗係去。」眾人去到元朗錦上路一個爛地車場,走進貨櫃場內放了一張枱和香燭,師傅叫誠心跪拜觀音,但要求他們要閉眼,「我好奇係咁偷望,見到一個着住白紗、發光嘅人形,仲要高到上頂,爸爸話同時聞到蓮花香味,佢就覺得一定係真,但當師傅話要畀錢起廟,佢就覺得係假,之後爸爸仲突然醒起,當日換了新的蓮花香味止汗劑,之後就冇再去。」
圖片:新城