詩歌有Guide丨寶珮如99年遇車禍經歷人生低潮 借錢借到冇朋友「求人如吞三尺劍」

詩歌有Guide丨寶珮如99年遇車禍經歷人生低潮 借錢借到冇朋友「求人如吞三尺劍」

寶珮如今日在新城廣播接受由漢陽主持的《詩歌有Guide》訪問,她透露在節目中會分享1999年遇上車禍,不幸破相,經過7年整形手術,因為停工而令經濟陷入困境的一段經歷,神如何帶領她走過每一天,從聖經中學習忍耐、信心和盼望。

娛樂-明星-寶珮如-林建明
圖片:新城

娛樂-明星-寶珮如-林建明
圖片:新城

「初初我都想過放棄,點解會係我?但我再諗一層,耶穌要我有呢個經歷,係要我學習我以前冇學過嘅嘢,我以前好驕傲、好唔感恩、好曳,但當我有呢個經歷嘅時候,而家嘅我就覺得人生冇乜大不了。」這段日子的確很難撐下去,她被迫要停工,幸有好友袁潔儀在金錢上的幫助,寶珮如說:「當年我要做7年嘅手術,要著壓力衣,就連瞓覺都要著,邊度都唔去得,所以停晒工,冇工開,我問人借錢,真係『求人如吞三尺劍』。(有冇一個好難堪嘅經歷?)我唔想講邊個,借錢借到佢話『長貧難顧』,我聽到呢4個字,眼淚在心裡流,我借錢借到冇咗朋友,真正朋友仲喺我身邊,淨番好少,所以我好珍惜佢哋嘅愛,好感恩佢哋一直陪住我。」

娛樂-明星-寶珮如-林建明
圖片:IG@babybohkartist

娛樂-明星-寶珮如-林建明
圖片:IG@babybohkartist

對於「大姐明」林建明當年曾為她出氣,寶珮如說:「當年我撞車入到醫院,急症室係先救有生命危險嘅人,當時我係好嚴重,面爛晒,佈滿晒血,口入面唔知係玻璃定係碎牙,大姐明幾日都有嚟睇我,但我仲喺急症室嘅分流區,咁佢就嘈,我當時冇昏迷,聽到佢嘈『喂,仲未做手術?仲要等幾耐?一年?半年?幾個多月?』,跟住即刻同我做手術,佢唔嘈嘅話,我都唔知仲要瞓幾耐,我知道我做手術嘅時候,大姐明一直等,冇離棄我,因為到我醒之後,護士同我講番『林建明對你咁好嘅,佢等你做完手術,佢先至走呀!』,聽到之後,我覺得大姐明比阿媽更加重要,佢煲湯畀我飲,幫我籌錢,因為我媽媽當時已經好大年紀,而且佢本身好軟弱,所以我唔可以畀佢知我撞車。