QK玉瑛室丨李琳琳與區嘉雯演接吻戲 譚玉瑛要碌大雙眼勿錯過

QK玉瑛室丨李琳琳與區嘉雯演接吻戲 譚玉瑛要碌大雙眼勿錯過

李琳琳最近忙於為主演的電影《從今以後》宣傳,今日她與《從》片導演楊曜愷在新城,接受譚玉瑛、何基佑及麥皓兒主持的《QK玉瑛室》訪問,大談拍攝時候的點滴。相隔30多年復出拍戲,琳琳姐直言深深被劇本和角色吸引,「原本我都有啲猶豫不決,我最主要驚自己out咗,始終30幾年冇喺幕前演戲,又做咗『寄生蟲』好耐,不過John(老公姜大衛)話呢個角色好難得,自己都好想做,所以接受導演邀請。」

娛樂-明星-李琳琳-從今以後
圖片:新城

娛樂-明星-李琳琳-從今以後
圖片:IG@allshallbewell.movie

至於找來琳琳姐擔演主角之一,導演楊曜愷表示:「我想搵啲好耐冇見過嘅演員,比較特別啲嘅,唔係成日喺電視台見到做阿媽嗰啲演員,咁啱搵到一套80年代舊電視劇《輪流轉》見到琳琳姐,覺得佢好適合。」譚玉瑛聞後即指自己亦有份參演《輪流轉》,現場所有人大感驚訝,譚玉瑛續說:「我當年喺訓練班出嚟,有份喺劇入面做學生,即係你睇極都睇唔到我,但又有份捱夜拍嗰啲。」

娛樂-明星-李琳琳-從今以後
圖片:新城

提到琳琳姐在《從》片,與另一位女主角區嘉雯有大膽的接吻鏡頭,角色甚為突破,譚玉瑛指自己在戲院看到這一幕接吻戲時,要碌大雙眼,並說:「我要睇吓有幾親熱!」琳琳姐稱這場接吻戲,與區嘉雯是自由發揮,她說:「嘉雯嗰隻眼唔使講嘢就有晒戲喺裡面,令到我好想摸佢塊面,輕輕鍚咗佢一啖,但佢仲望住我,我覺得自己唔夠,要嘴多佢一啖,仲要勁啲嘅。」譚玉瑛大讚李琳琳:「果然係功力深厚嘅演員。」

娛樂-明星-李琳琳-從今以後
圖片:新城