林子祥榮升爺爺親自為孫女改名 林德信獲老婆大讚係換片高手

林子祥榮升爺爺親自為孫女改名 林德信獲老婆大讚係換片高手

林子祥兒子林德信(Alex)於去年11月迎娶圈外女友Candace,昨日他在社交平台留言,「my mom used to sing this song to me to put me to sleep , now I will sing it too .#happymothersday(我媽媽曾經唱這首歌給我聽哄我入睡,現在我也會唱,母親節快樂)」並分享相片,其中一張是BB小腳仔,原來Candace在兩個月前為Alex誕下女兒,爺爺林子祥更親自為孫女改名為林明。

娛樂-明星-林子祥-林德信
圖片:IG@alamfish

娛樂-明星-林子祥-林德信
圖片:IG@alamfish

為了答謝Candace,Alex表示除了要好好慶祝太太人生的第一個母親節外,更承諾要為自己的演藝事業而努力,他說:「呢兩個月見到佢坐月好辛苦,又唔能夠出街,只能夠喺屋企湊仔,真係好攰。」Candace被問到老公可有幫手照顧女兒?她點點頭說道:「其實Alex好緊張我,亦都好細心,佢係一個暖男,冇咗佢我真係搞唔掂,Alex係換尿片高手!」

娛樂-明星-林子祥-林德信
圖片:葉蒨文微博


回想兩個月前,在產房等候小寶寶出世,當時的Alex緊張得很,Candace笑說:「因為我係順產,喺產房等生產嘅時候,護士問我老公去咗邊度?其實因為Alex好緊張又坐唔定,所以成日周圍行,希望放鬆啲,佢又知我等咗12個鐘都仲未生得會好肚餓 ,所以去咗買蛋撻,我就係食住個蛋撻,多啲氣力就生到BB!」

娛樂-明星-林子祥-林德信
圖片:IG@alamfish

娛樂-明星-林子祥-林德信
圖片:IG@alamfish

原先Alex提議遲些日子,一家去旅行,不過Candace卻說:「你幫我減肥就係最佳禮物,而家所有褲都唔啱著,要著Alex嘅褲!」
為了努力賺奶粉錢,Alex已經做好準備,全身再投入工作,而另一個「BB」亦同時面世,即將推出全新專輯《Hyperspace》,Alex表示想到將自己的新歌,編排一套減肥舞,可讓Candace修身。