人稱「歌神」的張學友在80年代，參加《全港十八區業餘歌唱比賽》奪冠而入行，除了推出多首經典金曲外，更踏足電影界，先後參演多部電影，包括《旺角卡門》、《咖喱辣椒》、《亞飛與亞基》、《超級學校霸王》、《金雞2》等等，多齣作品的角色，至今仍令人津津樂道。
Tag: 謝霆鋒
王雙駿音樂會｜謝霆鋒驚喜現身High爆全場 網民催促快做呢件事
殿堂級音樂製作人王雙駿（Carl叔叔）《王雙駿 HATS ON 音樂會》近日於香港會議展覽中心隆重舉行，當日Carl叔叔集合了很多不同年代的歌手在他的音樂會上獻唱，包括軟硬天師、麥浚龍、柳應廷、李駿傑、吳林峰等，其中謝霆鋒與陳奕迅現身令歌迷激動興奮尖叫！開場時Carl叔叔率領眾樂隊成員進場，隨即奏起開場音樂，帶樂迷走進這場玩味十足、驚喜連場的音樂盛會。 柳應廷Jer感激Carl叔叔音樂路上指導 MIRROR成員柳應廷（Jer）以紅黑造型打頭陣登場，全場尖叫不絕，一口氣獻唱《狂人日記》及《砂之器》，Jer說：「好開心今日我係第一個開場嘅嘉賓，出道到而家嘅歌，都係Carl叔叔幫我監製，就好似爸爸咁嘅角色，音樂道路上冇佢嘅指導，建構唔到Jer呢個人，所以今日真係好開心、好榮幸，可以喺呢個台為Carl叔表演。」 之後Jer唱出《人類群星閃耀時》，多變的曲風，誠如這場音樂會的主調——好玩。 李駿傑Jeremy認冇信心 全靠Carl叔叔鼓勵 然後是隊友李駿傑（Jeremy）接力登場，為樂迷送上《半》及《You First》，他感謝Carl叔叔為自己擔任監製，指雙方合作已踏入第三年：「去到今年已經係第三年，Carl叔叔一直畀好多信心我，因為我自己係個好冇信心嘅人。」Carl叔叔笑謂每次與他合作都可以自High：「每次都好似見到好多我嘅fans，見到好多個駿字喺度。」 台下即傳來歡呼聲和應。Carl叔叔續說：「遇上Jeremy好幸福，呢個年頭遇到有夢想嘅年青人唔容易。佢唔係淨係發夢，仲會去實踐，佢真係會擺晒120%落去，作為監製遇到呢啲歌手好筍㗎。」隨後，Jeremy為樂迷帶來首個驚嘉，唱出由Carl叔叔負責曲、編、監的《桃色冒險》，強烈的節奏感盡顯他的騷味，為音樂會的首部份掀起高潮，台上台下氣氛高漲。 麥浚龍被指好長氣即反擊：我都有付出㗎 接下來，進入第二部份，由麥浚龍（Juno）與鍾舒祺合唱的《成魔之路》展開，然後是當年的經典作《雌雄同體》。唱畢，Juno與Carl叔叔於台上擁抱，Juno搞笑說：「我哋有幾多時間講嘢㗎？」Carl叔叔指每次與Juno對話，都以小時為單位：「好似少男咁㗎，我哋會傾電話，就算錄message（語音訊息）都6分鐘起標。」Juno聞言即鬼馬反擊：「我都有付出㗎，雖然我錄好長畀你，但係我都要撳住個掣㗎嘛。」 Carl叔叔雖然稱Juno「長氣」，但亦大讚對方不理世俗，專注追求心中目標，啟發他以後製作專輯有更多想法。Juno為樂迷送上《從此世界多了一分鐘》，全場以手機燈海和應，場面浪漫。 謝霆鋒連唱多首經典 網民催促快開個人演唱會 近年甚少在香港開騷的謝霆鋒緊隨接力，以一身長袍配長鏈帽的型格造型登場，帶來充滿強烈節奏感的《潛龍勿用》，再掀音樂會高潮，惹來不少樂迷興奮狂叫。霆鋒說：「好耐無見，好耐無喺香港演出，好掛住你哋。」接着，他大唱經典金曲《玉蝴蝶》及《活著VIVA》，彈着結他的霆鋒相當投入，場內瞬間回到充滿熱血的青蔥時代，不少樂迷更湧到台前齊齊跳，反應熱烈。 對於謝霆鋒再登台表演一系列經典歌曲，唔少網民在網上也討論希望他能快點再舉辦屬於自己的演唱會，「真係型到爆炸」、「童年回憶系列」、「佬味十足」。 軟硬做神秘嘉賓 模仿Carl叔叔語氣：好耐冇見阿仔 好戲在後頭，隨着謝霆鋒的演出過後，Carl叔叔繼續送上另一驚喜，軟硬天師林海峰（Jan）及葛民輝以Carl叔叔的招牌長髮戴帽look現身大唱《Gala Gala Happy》。 這兩位神秘嘉賓，大放笑彈令全場High爆，Jan介紹自己是王雙駿，葛民輝笑謂：「我係Carl。」他們又邀請真Carl叔叔於台上合照，笑言是三Carl同台，然後「唱雙簧」爆拉姑不時請Carl叔叔為霆鋒舉辦演唱會，阿葛模仿Carl叔叔的語氣，說：「今晚開呢個演唱會，好耐冇見阿仔，我好感激佢二話不說應承，本來諗住叫霆鋒嚟炒幾碟，點知佢唱咗成part。Jer又係好好，次次造歌都打千字文畀我，呢啲歌手簡直係監製恩物。」Carl叔叔聞言更正說：「嗰個係Jeremy呀！」台下再次哄笑。 陳奕迅唱《破壞王》令演唱會圓滿結束 來到第三部份，由多次被Carl叔叔點名力讚的吳林峰率先登場，他唱出《俄羅斯套娃》及《捱麵包的人》，並與謝芊彤合唱《我也難過的》，真摯的聲音觸動人心，他說：「喺度唱歌係可以記一世嘅事，好多謝Carl叔叔，好感恩有好明白我諗法、旋律嘅人。」隨後，吳林峰和柳應廷送上與Carl叔叔等19人於2021年組成的「樂壇已死大合唱團」的點題歌《樂壇已死》，正好呼應是次音樂會的傳承部分。 音樂會的尾段，迎來最後一個演出單位，被Carl叔叔形容為親人般的大樂隊——& The Duo Band。而另一位神秘嘉賓陳奕迅（Eason）亦隨同& The Duo Band出場，他的出現讓樂迷興奮不已，Eason獻唱完《破壞王》後，與Carl叔叔分享成立& The Duo Band的經過並演唱《敬菸》。Carl叔叔在台上再次感謝& The Duo Band，直言認識他們是人生的轉捩點，最後他們唱出音樂會的尾歌《可一可再》，隨着最後一個音階的落下，《王雙駿 HATS ON 音樂會》 While the Music Lasts圓滿結束。
